საზოგადოება "-მთელი ერის წინაშე ცუდ დღეში ჩავაგდებ მას !“- მეუფე იაკობი ერთ-ერთ ბიზნესმენს ცემით ემუქრება 2018, 29 დეკემბერი, 19:57 საქართველოს კათოლიკოს–პატრიარქის ქორეპისკოპოსი მეუფე იაკობი „ტვ პირველთან“ ინტერვიუში ერთ-ერთ ბიზნესმენს ცემით დაემუქრა. როგორც ბოდბელი ეპისკოპოსი აცხადებს, სწორედ ამ ცნობილმა ბიზნესმენმა აიძულა ყოფილი პროკურორი, ირაკლი შოთაძე ციანიდის საქმეზე ვერსია შეეცვალა და საზოგადოებისთვის სიმართლე დაემალა. „-მე ვფიქრობ, არის ერთი ადამიანი, ბიზნესმენი, რომელიც მერე უწმინდესთან მიბრძანდა, ადრე ვთქვი, იმასაც ვიტყვი რომელი ბიზნესმენია. მან უთხრა- დაისვენეთ, თქვენო უწმინდესობავ, თქვენ ნუ იქნებით, ის იქნებაო, კონკრეტულ პიროვნებაზე უთხრა. მე ვფიქრობ, ძალიან დიდი ფულიც აქვს გადახდილი, არავის არ ვაპატიებ ამას. მაშინ რომ ვიყავი კვირიკაშვილთან და იმათთან, ზუსტად ეს ვუთხარი, არავის არ ვაპატიებ ამას-მეთქი. უწმინდესი სანამ არ მომცემს ნებას, რომ ვცემო, მაგრად ვცემო, მთელი ერის წინაშე ცუდ დღეში ჩავაგდებ მას“, - განაცხადა მეუფე იაკობმა 97 შეფასება არ არის
|