ფილიპინებში, ქალაქ ბაკაკიში 17 წლის გოგონა სახელად კიმბერლი "თევზისგან დაფეხმძიმდა".

7 თვეში გოგონას მუცელი შესამჩნევად წამოეზარდა და წონაში 10 კილოგრამი მოიმატა, კიმბერლის მშობლებმა კატეგორიულად მოსთხოვეს გოგონას, ეღიარებინა ვისთან იწვა და ვინ იყო ბავშვის მამა, თუმცა გოგონა ყველაფერს უარყოფდა და აღნიშნავდა, რომ მას მამაკაცი არასდროს ჰყოლია.

კიმბერლი ექოსკოპიაზე წაიყვანეს, რა დროსაც გოგონას მუცელში გამოჩნდა თევზის მსგავსი ჩანასახი.

ადგილობრივი მცხოვრებლები ძალზე ცრუმორწმუნეები არიან. იქ ფიქრობენ, რომ თუ გოგონა ოკეანეში მენსტრუაციის დროს ბანაობს, ის შეიძლება დაავადდეს, ამის გარდა, შეიძლება ყურადღება მიიპყროს ზოგიერთი ზღვის ბინადრისა, ეს იქნება თევზი, რვაფეხა თუ გველთევზა.

ამიტომ ადგილობრივი მცხოვრებლები დარწმუნებულები არიან, რომ გოგონა თევზისგან დაფეხმძიმდა.

თუმცა, როდესაც კიმბერლი კონსულტაციაზე სხვა ექიმთან წაიყვანეს, გოგონას სულ სხვა დიაგნოზი დაუსვეს. მას აღმოუჩინეს საკვერცხეების კისტა. ექიმები ცდილობდნენ პატარა ქალაქის ბაკაკაის მცხოვრებლებისთვის აეხსნათ, რომ გოგონას მუცელში არავითარი თევზი არ ცხოვრობს, რომ იგი საოპერაციოა, თუმცა ცრუმორწმუნე მოსახლეობა მაინც ვერ დააჯერეს.

უახლოეს ხანში გოგონას ოპერაციას გაუკეთებენ, რადგან კისტა სწრაფად იზრდება და შესაძლოა კიმბერლის ჯანმრთელობას სერიოზული ზიანი მიადგეს.