ელიავას ბაზრობაზე, რკინის საამქროში, დღეს საღამოს გაჩენილი ხანძარი ლიკვიდირებულია. სამაშველო სამსახურის წარმომადგენლებმა ტერიტორია უკვე დატოვეს. თვითმხილველების მტკიცებით, შემთხვევის შედეგად არავინ დაშავებულა. ხანძრის შედეგად კი, 200 კვ.მ ფართობი დაიწვა. ადგილზე 7 სახანძრო-სამაშველო ბრიგადა იყო მობილიზებული.

ხანძრის გამომწვევი მიზეზები ამ ეტაპზე უცნობია, თუმცა, წინასწარი ინფორმაციით, ხანძარი გაუმართავმა ელექტროსადენებმა გამოიწვია.

„აგლაძის 118 ნომერში ხანძარი გაუჩნდა მეტალოპლასტმასისა და რკინის საამქროს. ადგილზე მობილიზებილი იყო 6 სახანძრო და 1 სამაშველო ბრიგადა. დაახლოებით 200 კვადრატული მეტრი იწვოდა. ხანძრის გავრცელების საშიშროება იყო, მაგრამ დროულად მოხდა ხანძრის ლოკალიზება. დაშავებული არავინ არის. ამჟამად ხანძარი ლიკვიდირებულია. ხანძრის გამომწვევ მიზეზებს საგამოძიებო სამსახური დაადგენს", - განაცხადა საგანგებო სიტუაციების მართვის სამსახურის დიდუბე-ჩუღურეთისსამმართველოს უფროსმა კობა ჯოხაძემ.