მსოფლიო კულინარიის სფეროში კარგად არის ცნობილი დესერტი, სახელწოდებით "ანა პავლოვა", რომლის ირგვლივ რამდენიმე წლის წინ სერიოზული სკანდალი შექმნა. საქმე ის არის, რომ ოქსფორდის კულინარიული ლექსიკონის შექმნის პროცესში ამ ტკბილეულის წარმოშობის დადგენა საკმაოდ გაჭირდა, რადგან მის სამშობლოდ თავს აცხადებდა ავსტრალია და ახალი ზელანდია. თუმცა, საბოლოოდ გაირკვა, რომ დესერტი პირველად მომზადდა 1926 წელს, ველინგტონში, ახალ ზელანდიაში. გასტროლებზე მყოფი რუსი ბალერინას, ანა პავლოვას ცეკვით მოხიბლულმა ერთ-ერთმა კულინარმა მოამზადა პირველად ეს საკმაოდ ჰაეროვანი და მსუბუქი დესერტი. თუმცა სახელწოდება "ანა პავლოვა" მან სწორედ ავსტრალიურ გამოცმებში, 1940-იან წლებში მიიღო.

ასე რომ, გაიმარჯვა მეგობრობამ!

ახლა კი შემოგთავაზებთ ამ ლეგენდარული დესერტის რეცეპტს:

"ანა პავლოვა"

ინგრედიეტები:

4 კვერცხის ცილა
250 გ. შაქრის პუდრი (+ ცოტაოდენი შაქარი ნაღებთან ასათქვეფად, გემოვნებით)
1 ჩ.კ. ლიმონის წვენი ან ძმარი
ვანილი
1 სუფრის კოვზი სახამებელი
550 მლ ნაღები (30%-იანი)
ნებისმიერი სასურველი ხილი: მარწყვი, ბანანი, ალუბალი, კივი და ა.შ.

მომზადება:

1. ათქვიფეთ კვერცხის გულები ბეზეს კონსისტენციამდე. თანდათან შეათქვიფეთ შაქარი და მიიყვანეთ გამყარებამდე.

2. ცალკე აურიეთ ძმარი, ვანილი და კრახმალი. დაუმატეთ მიღებული მასა ბეზეს და თქვიფეთ კიდევ 4 წუთი.

3. პერგამენტზე დახაზეთ 20 სმ-ის დიამეტრის წრე. გადაიტანეთ ამ წრეზე კოვზით ბეზე. კიდეებზე ოდნავ აუწეთ, რათა ბეზემ "ბუდის" ფორმა მიიღოს.

4. აცხვეთ 70-80 გრადუსზე 2-2, 5 საათი. შემდეგ გააღეთ ღუმლის კარი და ასე დატოვეთ სრულ გაგრილებამდე.

5. ათქვიფეთ ნაღები და შაქარი (თქვენი გემოვნების მიხედვით) მყარ კონსისტენციამდე.

6. წაუსვით ნაღების კრემი ბეზეს და მორთეთ დაჭრილი ხილით.

შეგიძლიათ ბეზეს რამდენიმე ფენა გამოაცხოთ და შუაში კრემი წაუსვათ. ან კიდევ მცირე ზომის, თითო პორციაზე გათვლილი "პავლოვები" გააკეთოთ.

უფრო დეტალური წარმოდგენისთვის იიხილეთ ვიდეორეცეპტი:

ასევე დაგაინტერესებთ:

1. იდეალური სააღდგომო პასკის (კულიჩის) 10 საიდუმლო - ნუ დაუშვებთ ამ შეცდომებს!

2. მანი ფაფა" - იცით სინამდვილეში რისგან მზადდება იგი და მართლა სასარგებლოა თუ არა?

3. თუ თქვენ შოკოლადი გიყვართ... უმჯობესია არ ნახოთ!

4. როგორ გავარჩიოთ ფალსიფიცირებული ჩურჩხელა და რითი განსხვავდება "ჯანჯუხა"

5. რატომ ვაკეთებთ საახალწლოდ გოზინაყს და რა შეცდომებს ვუშვებთ მისი მომზადებისას

6. მოხარშული სიმინდის უნიკალური თვისება - ეს ბევრმა არ იცის!

7. იცით რომელია ნამდვილი არაჟანი? - ეს აუცილებლად უნდა იცოდეთ!