x
მეტი
  • 22.04.2018
  • სტატია:76294
  • ვიდეო:328953
  • სურათი:432490
7 შეკითხვა, რომელიც შობის დღესასწაულის შესახებ ბევრს უჩნდება

შობის დღესასწაული ქრისტიანული სამყაროს უდიდესი და გამორჩეული მოვლენაა, რომელსაც საქართველოს მართლმადიდებლური ეკლესია ტრადიციულად 7 იანვარს აღნიშნავს. არსებობს რამდენიმე შეკითხვა, რომელიც ხშირად ჩნდება საზოგადოებაში ამ ბრწყინვალე დღესასწაულთან დაკავშირებით. ქვემოთ შევეცდებით ამ შეკითხვებზე პასუხის გაცემას:


1. რატომ აღნიშნავს ქრისტიანთა ნაწილი ქრისტეშობას 25 დეკემბერს, ნაწილი კი - 7 იანვარს?



image



თავიდან შობის დღესასწაულს ყველა ქრისტიანული ეკლესია 25 დეკემბერს აღნიშნავდა. მაგრამ 1582 წელს რომის პაპმა გრიგორი XIII-მ მიიღო გადაწყვეტილება ე.წ. გრიგორიანულ კალენდარზე გადასვლისა. მართლმადიდებლურმა ეკლესიამ უარი თქვა ახალ სტილზე გადასვლაზე და განაგრძო ძველი, იულიანური კალენდრით ცხოვრება, რომელიც 13 დღით ჩამორჩება გრიგორიანულს. ამიტომ მართლმადიდებელი ქრისტიანების უმეტესობა - ქართული, რუსული, იერუსალიმისა და სერბეთის მართლმადიდებლური ეკლესიები, ასევე ათონის მონასტრები და აღმოსავლური ტიპიკონის კათოლიკური ეკლესიები - ქრისტეშობას 25 დეკემბრის მაგივრად 7 იანვარს აღნიშნავს.


2. რატომ არის მიღებული შობის დღესასწაულზე ფანჯარასთან სანთლის ანთება?


image

როცა მარია და იოსები ბეთლემში მივიდნენ, ქალაქში მათ ადგილი აღარ დახვდათ. ამიტომ ქრისტიანები შობას ნაძვის ხეზე ანთებდნენ სანთელს, რითაც სიმბოლურად სახლში იწვევდნენ ღვთისმშობელს. თავიდან ნაძვის ხეზე ნამდვილ სანთლებს ანთებდნენ, მაგრამ დროთა განმავლობაში, უსაფრთხოების მიზნით, სანთლები ელექტრო ნათურებმა და გირლანდება შეცვალა. თუმცა ფანჯარასთან სანთლის დანთების ტრადიცია საქართველოს კათოლიკოს პატრიარქის, ილია მეორის ლოცვა-კურთხევით ისევ დამკვიდრდა საქართველოში.


3. რა არის ალილო?


image

საქართველოში ალილოს ტრადიცია მე-5, მე-6 საუკუნიდან იწყება.
მეალილოები გალობით ულოცავენ თითოეულ ოჯახს ქრისტეს დაბადებას. სიმღერის დასრულების შემდეგ ოჯახის წევრები მათ ტკბილეულობას, ხილს და ნუგბარს ჩუქნიან. ბოლო დროს ალილოს სახალხო მსვლელობებიც იმართება, რომლის დროსაც შეგროვილი პროდუქტი, როგორც წესი, ბავშვთა სახლებსა და უმწეოთა თავშესაფრებში ნაწილდება.


4. რატომ რთავენ საშობაოდ (საახალწლოდ) ნაძვის ხეს?


image

ამის შესახებ შეგიძლიათ იხილოთ ვრცელი სტატია ბმულზე.



5. რა კავშირია შობასა და სანტა კლაუსს შორის?



image


"სანტა-კლაუსი" - ეს არის წმინდა ნიკოლოზის შეცვლილი სახელი. იგი საშობაო მითოლოგიის ნაწილად იქცა 1823 წელს, როცა კლემენტ კლარკ მურმა გამოაქვეყნა პოემა "შობის წინა ღამე ანუ წმინდა ნოკოლოზის ვიზიტი". სწორედ ამ
ნაწარმოებში მოხდა წმინდა ნიკოლოზის ტრანსფორმაცია სანტა-კლაუსად - კეთილ ზღაპრულ გმირად, რომელიც ბავშვებს საჩუქრებს ჩუქნის.



6. რატომ არის სანტა კლაუსი ყოველთვის მსუქანი და წითელ ხალათში გამოწყობილი?



image


ტრადიციულად ქრისტეშობის სიმბოლო მწვანე ფერი იყო, წითელი კი მისი სისხლის სიმბოლოა. დასავლეთის ქვეყნებში შობის დღესასწაულის მთავარ ფერად წითელი გახდა მას შემდეგ, რაც 1931 წელს კომპანია Coca-Cola-მ გაუშვა
სარეკლამო კამპანია, რომლის მთავარი პერსონაჟი იყო წითელი ხალათით შემოსილი სანტა-კლაუსი. მანამდე სანტას სამოსი იყო ხან თეთრი, ხან ყავისფერი, ხან კი ლურჯი.

სარეკლამო აქციისთვის მთავარი პერსონაჟის გარეგნობა მხატვარ ჰედონ სანდბლს მისმა მეგობარმა და მეზობელმა, ლუ პრენტისმა შთააგონა. ამიტომ გამოვიდა სანტა პრენტისის მსგავსად "ბუთხუზა". მისი ეს სახე იმდენად პოპულარული გახდა, რომ სხვაგვარად კეთილი სანტას წარმოდგენა უკვე შეუძლებელიცაა.



7. რამდენ ხანს გრძელდება საშობაო მარხვა?



image

კათოლიკები და პროტენსტანტები საშობაო მარხვას (ადვენტი) 4 კვირის მანძილზე ინახავენ. ადვენტის დროს ანუ ქრისტეს შობის მოლოდინის პერიოდში, არ არის მძიმე მარხვა და ითვლება სულიერი თავშეკავებისა და მორჩილების დროდ. მართლმადიდებლური ტრადიციით კი საშობაო მარხვა 28 ნოემბერს იწყება და 6 იანვარს მთავრდება, ანუ გრძელდება 40 დღე. სომხური სამოციქულო ეკლესია კი შობის წინ მარხვას მხოლოდ 7 დღე ინახავს.


გილოცავთ შობის ბრწყინვალე დღესასწაულს!



ასევე დაგაინტერესებთ:


1. ტესტი: რამდენად კარგად იცნობთ ქართულ სუფრას - შეამოწმეთ საკუთარი თავი!image


2. რატომ ვაკეთებთ საახალწლოდ გოზინაყს და რა შეცდომებს ვუშვებთ მისი მომზადებისასimage


3. მხოლოდ ამ 7 ქალს აქვს რომის პაპთან თეთრი სამოსით მისვლის უფლება - იცით რატომ?image


4. რა გავლენას ახდენს ლოცვა ადამიანის სისხლზე?image


5. რისგან შედგება სინამდვილეში საკმეველი და რატომ კურნავს დაავადებებს

image


6. როგორ განვასხვავოთ სხვადასხვა რელიგიები ერთ წინადადებაში - სახალისო მეთოდიimage


7. რა არის მარხვა? - მამა გაბრიელის პასუხიimage

0
140
8-ს მოსწონს
1-ს არა
ავტორი:natia.a
natia.a
Mediator image
140
  
კომენტარები არ არის, დაწერეთ პირველი კომენტარი
0 1 0