სოციალურ ქსელებში დიდი პოპულარობით სარგებლობს ვიდეო, სადაც წმ. იოანე ღვთისმეტყველის სახელობის რუსული ეკლესიის მღვდელმსახური, დეკანოზი გიორგი სხირტლაძე ქადაგებს.

"მორწმუნე ადამიანი შეიძლება წლები ტანჯოს ეშმაკმა. ეშმაკი შეიძლება ხერხემალში შევიდეს, თავში, პირში, სასქესო ორგანოში შეგვივიდეს, მთავრი ისაა, რომ იქიდან ვერ გამოვა თუ ძალიან დიდი მონდომებით არ მოინდომა და ეკლესიური ცხოვრებით არ იცხოვრა. მოძღვარმა მას კვეთებულის ლოცვები უნდა წაუკითხოს და ყველა მოძღვარი ვერ აკეთებს ამას, რადგან შემდეგ იმაზე შეიძლება იგივე განხორციელდეს. თუ არა და ნებისმიერ შემთხვევაში მაინც საფრთხეს წარმოადგენს, რადგან ხილულ საფრთხეს ვერაფერს უშვები ადამიანი და უხილავს რაღას უზამ?!", -აცხადებს მამაო.