სამწუხაროდ ბოლო დროს გახშირდა შემთხევვები, როცა ყოფილი ქმარი ცოლს კლავს.

საქართველოში ეს პრობლება უკვე დიდი ხანია არსებობს და აღარც უკვირს ვინმეს.

თითქმის ყოველდღე ვიგებთ მსგავსი შემთხვევების შესახებ და საზოგადოებაში აქტიური განხილვებიც მიმდინარეობს, მაგრამ არავინ იცის, როგორ შეიძლება ამ საშინელი

ტენდენციის შემცირება ან სულაც გაქრობა.

ჩემი აზრით ქართველი კაცი თავიდან უნდა დაიბადოს და გაიზარდოს, ისე რომ მასში

გამჯდარი არასწორი მენტალიტეტი თვითონვე დაიკიდოს ფეხებზე და ნებისმიერი ქალი

იქნება ეს ყოფილი, მოქმედი თუ მომავალი ცოლი, არ მოკლას და გაუშვას თავის გზაზე, თვითონაც რომ კარგად იყოს და ისიც...

ძალიან ბევრი მიზეზი შეიძლება არსებობდეს, რატომ ღალატობს ქალი კაცს,

შესაძლოა უმიზეზოდაც, ეს კაცზეა დამოკიდებული, როგორ ქალს დაუკავშირებს თავის

ცხოვრებას.

არსებობენ მართლაც მოღალატე ქალები, რომლებიც ნამდვილად არ იმსახურებენ

სოლიდარობას დანარჩენი ქალებისგან, მაგრამ როცა საქმე მკვლელობას ეხება ხმის ამოღება აუცილებელია.

საზოგადოების ერთმა ნაწილმა შესაძლოა

გაამართლოს კიდეც კაცის ქმედება და თავად ქალი დაადანაშაულოს ქმრის პროვოცირებაში, ქართველი კაცი ქალის ღალატს ვერ აიტანს და მოკლავს აბა რას იზამსო.

როდესაც, მოღალატე ქალებზე ვსაუბრობთ არ უნდა დაგვავიწყდეს, რომ არსებობენ მოღალატე მამაკაცები, რა ქნან იმ ქალებმა, რომლის ქმრებიც აქტიურად "დაძვრებიან" და ხშირად ერთ საყვარელს არ კმარობენ.

ზუსტად ასეთ კაცებს აქვთ პრეტენზია ცოლების ერთგულებაზე და ქალის

პატიოსნებაზე.

ასეთი "მოგულავე" კაცი რომ ცოლს ღალატის გამო მოკლავს, თვითონაც ხომ

მოსაკლავია?

მე, მაინც, არ მინდა ყველა ქალი და ყველა კაცი ერთ ქვაბში მოვხარშო, საბედნიეროდ

არსებობენ ერთგული ადამიანები, რომლებისთვისაც ურთიერთობა და ურთიერთპატივისცემა მნიშვნელოვანი ფაქტორია ცხოვრებაში.

ეჭვიანი კაცი კი უმიზეზოდაც გამოძებნის საბაბს, იმისთვის რომ ცხოვრება გაგიმწაროს და თვითონაც გამწარდეს, იქამდე გაგრძელდება მთელი ეს უთანხმოება, სანამ რომელიმე მათგანი მეორეს არ მოკლავს, თუმცა ხშირ შემთხვევაში ამას კაცი აკეთებს.

ხანდახან დაშორებაც არაა გამოსავალი, რადგან შეურაცხადი კაცის გადაკიდება აუცილებლად შენი სიკვდილით დამთავრდება. ასეა დღეს!