ეპატაჟური, სკანდალური და გულახდილი მსახიობი თინა მახარაძე მუდამ ყურადღების ცენტრშია. ქართული მედია და ჟურნალ-გაზეთები აქტიურად ცდილობენ მასთან ინტერვიუს ჩაწერას, თინას განცხადებები ხომ რამდენიმე დღის განხილვის საგანია. მსახიობი შეყვარებული გახლდათ. მისი რჩეული ბიზნესმენი გიორგი სამხარაძე იყო. "არაჩვეულებრივად ვარ ჩემს არაჩვეულებრივ გიორგი სამხარაძესთან ერთად. სტანდარტული, სტაბულური შეყვარებულები არ ვართ, რომლებიც ხელჩაკიდებულნი დადიან. გიორგი წარმატებული ბიზნესმენია, თუმცა ამის გარდა ბევრ რამეს აკეთებს. ძალიან ცნობილ სარეკლამო სტუდიაში მუშაობს და ძალიან ცნობილი კაფეც აქვს"-გვიამბობდა თინა. წყვილის ურთიერთობა უკვე ხუთ წელზე მეტს ითვლიდა, თუმცა დაქორწინებას არ გეგმავდნენ. ისედაც ერთად ვართ და რაღაც ფორმალობები რა საჭიოროაო. ჯერ გვირჩევნია ჩვენს საქმეებს მივხედოთო.

სულ ცოტა ხნის წინ სოციალური ქსელის მეშვეობით გავრცელდა ინფორმაცია წყვილის დაშორების თაობაზე. ბოროტი ხმები ამტკიცებდნენ, რომ გიორგისთან დაშორება თინამ მძიმედ გადაიტანა და მეტიც, მისი თმაც სწორედ მის დეპრესიულ განწყობას შეეწირა.

თავად მსახიობი კი შეყვარებულთან განშორებას ადასტურებს, თუმცა დეპრესიული განწყობის არც არაფერი ეტყობა. თინა ამტკიცებს, რომ თმის მოკლედ შეჭრა უკე დიდი ხანია უნდოდა და გარკვეული როლების გამო იკავებდა თავს, საახალწლოდ კი რეჟისორისაგან ნებართვა მიიღო და თმაც დაიმოკლა. მსახიობი ამტკიცებს, რომ განშორების მიზეზი მისი თამამი იმიჯი არ გახლდათ. "ცხოვრებაში ორივეს მეტი თავგადასავალი მოგვინდა. მეგობრებად უფრო კარგად ვიგრძენით თავი კონკრეტულ შემთხვევაში"-ამტკიცებს თინა.