პროზა ამბავი ,რომელიც ბევრჯერ გვსმენია 2014, 15 მარტი, 14:55 მას შემდეგ აგერ 30 წელიწადიც მოჰყოლია დროთა ხეივანს .
შეხვდნენ და იცნეს ერთმანეთი .
ღიმილმა, რომელიც შორიდან უფერული კალმით ნაწერს ჰგავდა, მიახლოებისას მკვეთრი კონტური მოხაზა .
-როგორც მახსოვს მდინარის პირას უნდა დაგლოდებოდი .
-და მე წითელი ვარდი ჩამომეტანა. -ფერს არავითარი მნიშვნელობა ჰქონდა. -არც ყვავილს ... -ჭაღარა შემოგრევია . -თმები შეგიღებავს . -იპოვე, ალბათ... -დავკარგე კიდეც, მახსოვს, მიყვარდა კითხვების შემობრუნება... -ალბათ ოდესმე შეხვდები ისევ, არც მიპოვნია . -აქ ცხოვრობ? -ვაპირებ ! -კარგად ისიამოვნე, ბევრი ლამაზი ადგილია ... -ხო, მაგრამ მდინარის გარეშე ძალიან ღარიბი, არ ვიცი როგორ მივეჩვევი . დიდხანს არც გაგრძელებულა ეს საინტერესო დიალოგი . თმაშეღებილი ქალბატონი სილაზე ჩამოჯდა, გასარუჯად . ბატონი, რომელსაც თმაში მართლაც ერია ჭაღარა ტაქსიში ჩაჯდა და წავიდა ... მათ თქვენობით არ მიუმართავთ . რა იცით იქნებ მდინარეც გაჩნდეს ამ უშველებელ ქალაქში, გაღატაკებულ ჯიბეში წითელი ვარდის ფულიც აღმოჩნდეს და თმაჭაღარა ბატონმა იმედი არ გაუცრუოს თმაშეღებილ ქალბატონს, რომელიც ალბათ ელოდება! 21 2-ს მოსწონს
|