ქალი და მამაკაცი რატომ ატარებენ გოგონები ტუჩზე ზედმეტ თმას? 2013, 20 იანვარი, 17:18 დამეთანხმებით ალბათ რომ არც თუ ისე სასიამოვნოა გოგონების ყურება რომელთაც ჭარბთმიანობა აწუხებთ. მაგრამ გიფიქრიათ იმაზე რომ ეს მდგომარეობა არც მათ ხიბლავთ დიდად? ბევრ ფორუმზე თუ ბლოგზე მინახავს ატვირთული თმიანი გოგონების ფოტოები და უამრავი დამცინავი და უცენზურო კომენტარები, განსაკუთრებით მამრობითი სქესის წარმომადგენლებისგან. მათთვის თმის მოშორება ხომ ისეთი ადვილია, საჭიროა მხოლოდ საპარსი ქაფი და საპარსი მოწყობილობა. მინდა ასეთ ადამიანებს რომლებიც ჯერ საკუთარ აზრს გამოთქვამენ და შემდეგ ფიქრობენ(ან არც შემდეგ ფიქრობენ) ავუხსნა თუ რატომ ვერ იშორებენ ზედმეტ თმას გოგონები. XXI საუკუნეში დამეთანხმებით ალბათ რომ ძალიან განვითარდა ტექნიკა და მათ შორის თმის მოსაშორებელი ტექნიკაც. აი მაგალითად : 1)ლაზერული ეპილაცია - რაც გულისხმობს ლაზერული ნათებით ზედმეტი თმის მოცილებას, მაგრამ არც თუ ისე შედეგიანია როგორც რეკლამაში ჩანს და თან საკმაოდ ძვირიც ღირს. მაგ. ტუჩი - 15 ლარი. პლიუს ამას თვეში ერთხელ აუცილებლად უნდა გაკეთდეს თორემ შედეგი არ აქვს, ასევე მინიმუმ 5-6 პროცედურაა საჭირო. 2. ეპილაცია ნემსით - გულისხმობს ძალიან წვრილი ნემსის შეყვანას თითოეულ თმის ღერის ძირში და კანში დენის გატარებას. ეს პროცესი ძალიან მტკივნეულია და დიდ დროს მოითხოვს. 1 სთ. ღირებულებაა 14-15 ლარი. არც ეს პროცედურაა 100 %-ით შედეგიანი, მინიმუმ 3-4 ჯერაა საჭირო გაკეთება. 3. ბიოეპილაცია - ეს არის მრავალჯერადი და ზომიერად მტკივნეული პროცესი რაშიც იგულისხმება სხეულის თმიან მონაკვეთზე ლორწოვანი მასის (ხშირ შემთხვევეაში ცხელი მასის) წასმა, ამ ტერიტორიაზე სპეციალური ქაღალდის დაკვდრა და თმის ზრდის საწინააღმდეგო მიმართულებით ქაღალდის სწრაფი მოშორება. ეს პროცესი არ არის ხანგრძლივშედეგიანი. ასეთი საშუალებები ყველა მარკეტში იყიდება და ღირს 10-20 ლარი. 4. ეპილატორით თმის მოშორება - ეპილატორი არის ელექტრო ხელსაწყო რომელსაც წინა მხარეს აქვს რამდენიმე პინცეტის სახის დანადგარი რომლებიც ძალიან სწრაფად მოძრაობენ და თმას იღებენ ძირიანად. შედეგი გრძელდება 2 კვირის მანძილზე. შემდეგ ისევ ამოდის თმა, შედარებით სუსტი მაგრამ ხშირი. ეს პროცესიც ზომიერად მტკივნეულია, მაგრამ არასასურველია ტუჩის არეში. 5. პარსვა - ეს მეთოდი ალბათ ყველასთვის ნაცნობია. ბასრპირიანი საპარსით თმის მოშორება. ეს არის ერთჯერადი და არაეფექტური საშუალება. პარსვის შემდეგ ამოდის ბევრად უფრო მსხვილი და ხშირი თმა. მიზეზები თუ რატომ უწევთ გოგონებს ზედმეტი თმით სიარული: 1. პროცედურების სიძივრე; 2. პროცედურების მტკივნეულობა; 3. პროცედურების უშედეგობა; ასე რომ ჩემო ძვირფასო მეგობრებო იქნებ შევიდეთ გოგონების მდგომარეობაში და არ დავცინოთ მათ იმის გამო რისთვისაც მათ ბრალი არ მიუძღვით. ჭარბთმიანობა ხშირ შემთხვევაში მემკვიდრულია ან ჰორმონების დარღვევით არის გამოწვეული(რისი მკურნალობაც ასევე ძვირია). ვიმედოვნებ რომ დროთაგანმავლობაში ადამიანების რიცხვი რომლებიც ცინიკურად ექცევიან ასეთ გოგონებს შემცირდება. 8928 25-ს მოსწონს 1-ს არა
|