ეს გრიმში "ჩაძირული" ადამიანი სილვიო ბერლუსკონია, იტალიის პრემიერ-მინისტრად რამდენიმეჯერ ნამყოფი კაცი. და იტალიის ერთერთი უნდიდრესი კაცი, რომელიც 3 სატელევიზიო არხს და საფეხბურთო კლუბ "მილანის" მფლობელი და პრეზიდენტი იყო, იყო რადგან ის უკვე ცოცხალი აღარაა, გუშინ გარდაიცვალა.

ბერლუსკონს ბევრჯერ დადეს ბრალი კორუფციაში, სასამართლომ ადმინისტრაციული ჯარიმებიც ბევრჯერ დააკისრა, იტალიის დედაქალაქში ქუჩებიც საკმაოდ მოახვეტინეს, მაგრამ ეს კაცი ბუმერანგივითაა, წავა პოლიტიკიდან და ეგრევე უკან ბრუნდება, თან საოცარი ისაა ამ უმდიდრეს ადამიანს უამრავი ამომრჩეველი რომ უჭერს მხარს.

დამთავრდა ბერლუსკონის ერა, ცნობილი პოლიტიკოსი, კორუფციაში უამრავჯერ ბრალდებული და ცნობილი მექალთანე გუშინ გარდაიცვალა.

რუსეთ-უკრაინის ომის დაწყებიდან ცოტა ხანში მან განაცხადა, რომ უკრაინა ვალდებულია დაეთანხმოს რუსეთის რიგ მოთხოვნებს და დიალოგის დასაწყებად ტერიტორიების გარკვეული ნაწილი უნდა დაუთმოს რუსეთს.

თუმცა მოგვიანებით განცხადება თავისი გვერდიდან წაშალა და დაწერა: "აუცილებელია დიალოგი, რათა კიევსა და მოსკოვს შორის ომი დიალოგმა ჩაანაცვლოს".

წავიდა ბერლუსკონი და ოჯახურ ბიზნესთან ერთად 5 შვილს და 16 შვილიშვილს დაუტოვა 6 მილიარდი ევრო, გარდა ამისა რამდენიმე ფეშენებელური ვილა იტალიის სხვადასხვა რეგიონში.

ასეა, ყველანი სიკვდილის შვილები ვართ, იმ ქონებას კი რასაც მთელი ცხოვრება ვაგროვებთ თან არავინ გვატანს ან ვისთვის გაუტანებიათ?

წავიდა კიდევ ერთი ძალიან გავლენიანი პოლიტიკოსი, რომელსაც მაფიასთან თანამშრომბლობაში, ფულის გათეთრებაში და გადასახადების დამალვაში სდებდნენ იტალიელი სამართალდამცველები ბრალს.