x
მეტი
  • 07.12.2019
  • სტატია:97179
  • ვიდეო:344046
  • სურათი:459147
ერთი წამით არ დაიჯეროთ ის ბინძური ტყუილები, რასაც ტელევიზიით ცაავები და გაბუნიები საუბრობენ!-ბესარიონ შარაშიძე
image

„ადამიანებო, განსაკუთრებით შვილებო, ერთი წამით არ დაიჯეროთ ის ბინძური ტყუილები, რასაც ტელევიზიით ცაავები და გაბუნიები საუბრობენ!“ – წერს მედავითნე და ჟურნალისტი ბესარიონ შარაშიძე გიორგი გაბუნიას და მეუფე პეტრეს შესახებ.


„1992 წლიდან ვარ ეკლესიაში, 16 წლის გიორგი გაბუნია უკვე სტიქაროსნად დამხვდა და როგორ არ იყო ნამყოფი საკურთხეველში?! 2000 წელს სიონის ტაძარში პატრიარქმა შემმოსა სტიქარით და დღემდე მედავითნე ვარ სამების საკათედრო ტაძარში. იმის გარდა, რომ ეს წლები კვირაში რამდენიმე დღე ვმსახურობ მის გვერდით, სისტემატურად მიწევდა საპატრიარქოში ყოფნა, რამდენიმე წელი კი ყოველდღიურად უშუალოდ პატრიარქთან ერთად მის ბაღში ვმუშაობდით. ბევრი ახალგაზრდა იყო იქ ჩემთან ერთად, ზოგი ხატმწერი, ზოგი ქვისმთლელი.

საკუთარი სულით ვამოწმებ ღვთის წინაშე, მსგავსი სიბინძურე ჭორადაც კი არ გამიგია არავისგან, არათუ რამე შემემჩნიოს!


სადილად გვეძახდა ყველას პატრიარქი და მამა-შვილური საუბრების იქით არაფერი გამიგია.

სამაგიეროდ, როდესაც საპატრიარქოს ტელევიზიაში ვმუშაობდი (პროფესიით რეჟისორი ვარ და დაარსებიდან რამდენიმე წელი ვიმუშავე), კარგად მახსოვს პირველი დღე, როდესაც პეტრე ცაავა დანიშნეს დირექტორად და ჩვენთან მოვიდა გასაცნობად. დღეს უკვე მივცემ თავს უფლებას, ვილაპარაკო მასზე და ვთქვა; მსგავსი მლიქვნელი და ცბიერი ადამიანი ცხოვრებაში კი არა, ლამის წიგნებშიც არ შემხვედრია. სულ პატრიარქს აქებდა და ადიდებდა ყოველ საუბარში ჩვენთან. თავისი ხალხით გაავსო ტელევიზია და 2-3 თვის განმავლობაში ძველები ყველა გაგვყარა, ხოლო ვინც დაიტოვა ძველი, ხელფასები 3-4-ჯერ დააკლო. რუსთავი2-ს დაამსგავსა პატრიარქის ტელევიზია, საინფორმაციო გამოშვებები სულ ნაციონალებზე საუბრობდნენ და მათ ბოროტმოქმედებებს ამართლებდნენ. ვისაც არ გჯერათ, აქვთ არქივიც და ინტერნეტშიც ბევრი მოიპოვება იმ წლების ვიდეომასალა. მე ვერაფერი გამიბედა უსამსახუროდ დატოვების გარდა, სხვები კი, თუ თვითონ გადაწყვიტავენ რამე თქვან, მოჰყვებიან, როგორ იყენებდა ბოროტად ეპისკოპოსის მდგომარეობას და როგორ სრული ამ სიტყვის მნიშვნელობით, ჩაგრავდა და ამცირებდა ახალგაზრდა ვაჟკაც ბიჭებს.

შვილებო, დიდი ტყუილის და ცილისწამების მანქანა ჩაირთო და მუშაობს დღეს არა მარტო ეკლესიის წინააღმდეგ, არამედ ზოგადად ტყუილების დასამკვიდრებლად და პირველი სამიზნე თქვენ ხართ, რადგან თქვენი გამოუცდელობის გამო იმედი აქვთ, რომ მოგატყუებენ, თორემ, ჩვენმა თაობამ ყველაფერი იცის და თუ ვინმე ცილისწამების მხარესაა, ეს მისი პირადი არჩევანია ანგარების თუ სხვა რამე მიზეზით!

ვაჟკაცობა ის არაა, პოლიცია რომ უსამართლობაში მყოფს გიცავს და ბლატაობ, ვაჟკაცობა სიმართლის მხარეს დგომაა ყველანაირ გარემოებაში. წაიკითხეთ წმიდა გიორგის, სხვა მოწამეების და ჩვენი გმირების ცხოვრება!"

image

შეხასენებთ, ჭყონდიდის ყოფილმა მიტროპოლიტმა, მეუფე პეტრე ცაავამ კათალიკოს -პატრიარქი მამათმავლობაში და მამათმავალთა მფარველობაში დაადანაშაულა, ხოლო გიორგი გაბუნიამ ვიდეომონოლოგში მაყურებლებს მოუთხრო სასულიერო პირის მხრიდან. მის მიმართ განხორციელებული სექსუალური ძალადობის მცდელობის შესახებ .

0
319
6-ს მოსწონს
ავტორი:არაჩანდა
არაჩანდა
Mediator image
Mediator image
Mediator image
319
  
კომენტარები არ არის, დაწერეთ პირველი კომენტარი
0 1 0