ქალი და მამაკაცი ზაფხული 2018-ის ტრენდი - ნაჩქარევი ნიშნობა - წყვილები, რომლებიც ამ ზაფხულს მოულოდნელად დაინიშნენ 2018, 31 აგვისტო, 20:18 შვებულება, დასვენება და საზაფხულო თავგადასავლები ალბათ უცხო არავისთვისაა. ეს ყველაფერი კიდევ უფრო აქტუალური სელებრითებშია, რომელთა რომანები მუდამ აქტიური განხილვის საგანია. სელებრითები კიდევ ერთი რამით იპყრობენ ყურადღებას - მათი არაოფიციალური ურთიერთობები. ისინი ხშირად არიდებენ თავს სტატუსებს ურთიერთობაში. მაგრამ ეს წყვილები გამონაკლისები აღმოჩნდნენ და ურთიერთობის დაწყებიდან მალევე გადაწყვიტეს დანიშვნა. ამ წელს სწრაფი ნიშნობები ნამდვილად აქტუალური იყო. 1. მომღერალი ჯასტინ ბიბერი და მოდელი ჰეილი ბოლდვინი. წყვილს წარსულში ჰქონდა ურთიერთობა, რომელიც განშორებით დასრულდა. შემდეგ კვლავ შერიგდნენ და ურთიერთობის განახლებიდან 2 თვეში, 7 ივლისს ჯასტინმა თავის რჩეულს ხელიც სთხოვა. წყვილი ქორწილისთვის ემზადება. 2. მსახიობი პრიანკა ჩოპრა და მუსიკოსი ნიკ ჯონასი წყვილის ურთიერთობის დაწყებიდან 3 თვეც არ იყო გასული, რომ ჯონასმა ულამაზესი ბეჭდით ცოლობა სთხოვა რჩეულს. მალე ტრადიციული ინდური ნიშნობაც გაიმართა პრიანკას ოჯახში. ნიშნობის შემდეგ აქტიური განხილვის საგანი გახდა წყვილს შორის 11 წლიანი სხვაობა. 3. მომღერალი არიანა გრანდე და მსახიობი პიტ დევიდსონი. წყვილმა ურთიერთობა მაისში დაიწყო და ივნისში დაადასტურეს ნიშნობა. ეს ყველაზე სწრაფი ნიშნობა იყო ამ წელს (და არა მარტო). ასევე გავრცელდა ჭორები, რომ მსახიობი ლეონარდო დიკაბრიო მოდელ კამილა მორენეზე დაინიშნა. თუმცა ეს ფაქტი ჯერ არც ერთს არ დაუდასტურებია. 252 1-ს მოსწონს
|