სოციალურ ქსელში და ზოგადად ინტერნეტ სივრცეში ბოლო დროს განსაკუთრებით მომრავლდა ფოტოები, რომლებზეც ცნობილი ქართველი სახეები დაქალებთან "ლესბო" კოცნით არიან დაკავებული. ზოგიერთი ფოტო გარკვეული პროტესტის ნიშნად არის გადაღებული, როგორიც, მაგალითად თინა მახარაძისა და ვინმე ქეთი აზაროვას კოცნის ამსახველი სურათი, რომელიც მსახიობმა 17 მაისის - ჰომოფობიასა და ტრანსფობიასთან ბრძოლის დღის მხარდასაჭერად გადაიღო.

რამდენიმე თვის წინ „ფეისბუქზე“ რუსთაველის თეატრის მსახიობების ია სუხიტაშვილისა და მანანა აბრამიშვილის ფოტო გამოჩნდა, სადაც მეგობრები ერთმანეთს ტუჩებში კოცნიან. ჟურნალისტმა, რომელმაც ია სუხიტაშვილს აღნიშნულთან დაკავშირებით კომენტარი სთხოვა, მისგან პასუხად მხოლოდ ლანძღვა-გინება მიიღო, თუმცა მსახიობმა ასევე აღნიშნა, რომ ლესბოსური მიდრეკილებები არ აქვს და ეს უბრალოდ "მაიმუნობა" იყო.

დაქალთან ლესბო კოცნისას გადაღებული ფოტო სოციალურ ქსელში, ქართველმა მოდელმა მარიამ სანოგომაც გამოაქვეყნა.

აქვე გავიხსენოთ ნინი ონიანისა და ნათია წიწილაშვილის პროვოკაციული კოცნა.

შოუ-ბიზნესის წარმომადგენლებს არც პარლამენტარი მარიამ საჯაია ჩამორჩა და სოციალურ ქსელში შემდეგი ფოტო განათავსა წარწერით: "რამე პრობლემაა თუ გოგოს ვაკოცე?"

დაბოლოს, ვერა ბრეჟნევასა და იოლკას (ლიზა ივანცივი) პროვოკაციული ფოტო ძველი თბილისის ფონზე. მართლია, ქართველების არ არიან, მაგრამ, როგორც ჩანს, თბილისის ფონი მათთვის განსაკუთრებით მიმზიდველი აღმოჩნდა...