Buro 24/7 ჟურნალისტები თვალს ადევნებდნენ ნიუ-იორკის, პარიზის, მილანის და ლონდონის 2017 წლის გაზაფხული-ზაფხულის ჩვენებებს და ფართო საზოგადოების წინაშე, წარმოადგინეს ყველა მოდური ტენდენცია, რომელსაც დიზაინერები ცხელი სეზონისთვის სთავაზობენ ქალბატონება. მოკლედ რომ ვთქვათ: ზაფხულის მოდა იმდენად მრავალფეროვანია, რომ ნებისმიერი გემოვნების ადამიანის მოთხოვნილებას დააკმაყოფილებს.

რა შეიძლებოდა მოეგონებინათ ახალი? მოდის ინდუსტრიის არსებობის მანძილზე, ზოლები ყოველთვის აქტუალური იყო. მაგრამ არა, დიზაინერებმა ხელმეორედ გამოიგონეს ველოსიპედი: ამ სეზონზე ზოლები შეიძლება იყოს როგორც ჰორიზონტალური, ისე ვერტილალური, მონოქრომული და ფერადი და ასევე, ოპტიკური ილუზიის ეფექტებით.

სეზონის ყველაზე მთავარი ფერი, ერთმნიშვნელოვნად, ყვითელი არის. მკვეთრი ლიმონის, პასტელის, ყვითელი ნეონის — წელს ყველა ფერის და ტონალობის ყვითელი სამოსი არის მოდაში.

ყვავილებიანი პრინტი, ისევე როგორც ზოლები და კუბოკრული — მოდის ყველა კვირეულზე იყო წარმოდგენილი. ფერები, ამ შემთხვევაში, კონკრეტულად დადგენილი არ არის და ყველაფერი დიზაინერის ფანტაზიაზე არის დამოკიდებული.

დიზაინერებმა ჩვენებებზე მიანიშნეს, რომ ცხელ სეზონზე, სხეულის ზოგიერთი ნაწილის მოშიშვლება იქნება ერთ-ერთი ტრენდი. მაგრამ, ამ შემთხვევაში, საუბარი დეკოლტეზე არ არის. პიკანტური ჭრილები, პოდიუმებზე წარმოდგენილი კოლექციების, ერთ-ერთი მთავარი თემა იყო.

უკვე მეორე წელია, დიზაინერები პოდიუმებზე გამჭვირვალე კაბიან გოგონებს უშვებენ. კაბა მაქმანისგან და გამჭვირვალე ორგანზა (აბრეშუმის თხელი ქსოვილი), ისეთი მსუბუქი, რომ კაბა გაცვია და თითქოს არც გაცვია. ეს ტრენდი, მართალია, მეტისმეტად თამამია, მაგრამ სექსუალობასაც ჰმატებს კაბის პატრონს. მთავარია — გახსოვდეთ, რომ ტანსაცმლის ეს ილუზია განსაკუთრებულ ყურადღებას თეთრეულის მიმართ მოითხოვს. რას ჩაიცვამთ კაბის ქვეშ, მთლიანად თქვენს სითამამეზე და გემოვნებაზე არის დამოკიდებული.

ამ სეზონზე მოდაში ფერადი total look-ი (ერთი ფერი) არის. ეს ნამდვილად კარგი სიახლეა, რამდენიმე წლიანი მონოქრომულობის შემდეგ. და მართალია, პოდიუნებზე ძირითადად ყვითელი და ვარდისფერი სჭარბობდა, მაგრამ ცისარტყელის სხვა ფერებიც მოდაში არის.

სითამამე — ამ სეზონის მთავარი დევიზია. თუ აქამდე მოკლე ტოპები ძირითადად სხვა სამოსთან ერთად კომპლექტში მოიაზრებოდა, წელს ის გარდერობის დამოუკიდებელი ელემენტი გახდა. დიზაინერებმა ჩვენებებზე მოკლე ტოპების სხვადასხვა ვარიანტები წარმოადგინეს –როგორც მოკლე, ისე შედარებით გრძელი ვარიანტები. ხოლო ნაკლებად თამამა გოგონებს, ბრა-ტოპების ჩაცმა, გამჭვირვალე კაბის, ბლუზის ან პიჯაკის ქვეშ შეუძლიათ.

დაივიწყეთ ზაფხულის სეზონზე ასკეტიზმი და მოკრძალებულობა. მინი დაბრუნდა და ულტრამინისკე მიისწრაფის. ყველაზე კომფორტული ვარიანტი — მინი ქვედაბოლოსთან ერთად, გრძელი მოსაცმელი და ფეხსაცმელი ბრტყელ ძირზე არის.

გოფრე გასულ სეზონზეც მოდაში იყო და არც ამ ზაფხულს დაუკარგავს აქტუალობა. წელს მოდაში წვრილი პლისია, რომელიც იდეალური დანამარი იქნება ლაკონური ნივთებისთვის — მინიმალიზმის წარმოსაჩენად, ყველაზე კარგი საშუალება მოცულობითი ქსოვილები არის.

სირაქლემას ბუმბული და ტყავის ფუნჯები — დეკორატიული ელემენტები არის, რომელიც ამ სეზონზე, როგორც მკაცრი კოსტუმების, ისე ჭრელპრინტიანი და გამჭვირვალე სამოსის გასაფორმებლად გამოიყენება.

ფერებს შორის, ყველაზე «ქალური» ფერი ვარდისფერი, — უკანასკნელი 5 წლის მანძილზე, ნამდვილი ჰიტია. ამასთან, მოდაში არა მარტო ვარდისფერი, მისი ყველა ტონალობა არის: დაწყებული ღია ვარდისფერიდან – მუქი, გაჯერებული ფერით დამთავრებული. ვარდისფერი ყველას მოსწონს და ის სიხარულთან და ბედნიერებასთან ასოცირდება.

ყველაფერი ახალი, კარგად დავიწყებული ძველიაო – სწორედ ამ ტრენდზეა ნათქვამი. ამ სეზონზე მოდაში დიდი, მოცულობითი მხრებია, რომელიც მოდაში გასული საუკუნის 80-იან წლებში იყო. ვისაც ის პერიოდი ახსოვს, ე. წ. ლიპებიც ეხსომება, რომლებიც სამოსსაც ჰქონდა ჩაკერებული და ცალკეც იყიდებოდა.

ეს ტრენდი რომანტიკული ადამიანებისთვის არის. რუში და მისგან შექმნილი ტალღები შეიძლება ამშვენებდეს როგორც კაბებს, ისე ბლუზებს და ქვედაბოლოებს. განსაკუთრებულ ელფერს სძენს რუშები გამჭვირვალე ქსოვილისგან შექმნილ მოდელებს.

ჯინსის შარვლის ყველა ტრენდი, რაც მოდაში 2016 წელს იყო, მოდაში 2017 წელსაც რჩება და წელს, კიდევ რამდენიმე ტრენდი დაემატება:

ამ სეზონზე მოდაში აპლიკაციები და ნახატებია, ტყავით, ატლასის და მაქმანის პატარა დეტალებით გაფორმებული შარვლები არის.

რაც შეეხება ფერებს, ყველაზე აქტუალური: ცისფერი, ლურჯი, თეთრი, შავი და ნაცრისფერია.

უკვე წარმოუდგენელია ქალის გარდერობი ჯინსის პიჯაკის გარეშე. რაც შეეხება მისი სიგრძე – წელამდე უნდა იყოს. დასაშვებია ამ სიგრძეზე ცოტა მოკლე და ცოტა გრძელიც.

სილუეტი – სწორი ან ტანზე მაქსიმალურად მომდგარი. ასეთი პიჯაკების კომბინირება ჯინსის ან ტყავის ვიწრო ქვედაბოლოსთან ან თხელი ქსოვილის (მაგ., შიფონი) გრძელ და ფუმფულა კაბებთან შეიძლება. ამასთან, ფეხსაცმელი, შეიძლება, სპორტულიც იყოს.

შარვლების და პიჯაკების გარდე, წელს მოდაში ჯინსის ქვედაბოლოები, კაბები და შორტებიც არის. წინა სეზონებისგან განსხვავებით, ქვედა ბოლო და კაბა ძალიან მოკლე არ უნდა იყოს.

წელს მოდაში თავისუფალი სტილის კაბებია – მამაკაცის პერანგის მსგავსი, ხალათივით ჩაღილული. რომელშიც, ცხელ დღეებში, ადამიანი თავს კომფორტულად იგრძნობს. კაბის ფერი კლასიკური უნდა იყოს: ლურჯი ან ცისფერი.

თქვენთვის ასევე საინტერესო იქნება:

ვირჩევთ მოდურ ჯინსებს ზაფხულის სეზონისთვის

ჯინსი წყალში ჩავიდა! ახალი ტრენდი – ჯინსის საცურაო კოსტუმები

ფეხსაცმელი რომელიც საზიანოა ჯანმრთელობისთვის (+ რჩევები)