1921 წლის 15 ნოემბრის ხელშეკრულებით აზერბაიჯანს გადაეცა 4768 კვ. კმ. ფართობი, აქედან ზაქათალის ოლქი მოიცავდა 3.564 კვ. კმ-ს, გარეჯის ველი და ქვ. ყარაიას სექტორი - 658 კვ. კმ-ს, ელდარის ველი - 546 კვ. კმ-ს. ეს ხელშეკრულება დაამტკიცა ბუდუ მდივანისა და მუხტარ გაჯიევის ხელმოწერამ..
"2021 წლის 15 ნოემბერს ხელშეკრულებას ვადა გასდის.
საფრანგეთში არავის მიგიწვდებათ ხელი, ხელშეკრულების ასლი რომ მოვიპოვოთ?" - წერს დანიელ ყულოშვილი.
ჰერეთი საქართველოა! კახის, ზაქათალის და ბელაქანის რაიონებში არა 10 ათასი, არამედ 30 ათასზე მეტი ეთნიკური ქართველია... ამ 30 ათასის გარდა კიდევ არის ათეულობით სოფელი, სადაც ათასობით ინგილომ XX საუკუნეში ქართული ენა დაივიწყა (ამ სოფლებში მოხუცებს და უფროსი თაობის გააზერბაიჯანელებულ ყოფილ ქართველებს ჯერ კიდევ ახსოვთ ქართული ენა და თავისი წარმომავლობა)- ამბობენ ჰერელთა ასოციაციის წევრები.

შეგახსენებთ, რომ ჰერეთში მცხოვრები ქართველების პეტიცია, სადაც ითხოვდნენ აზერბაიჯანში მცხოვრები ქართველებისთვის ორმაგი მოქალაქეობის მინიჭებას, მთავრობის მიერ უარყოფილ იქნა.

სოციალურ ქსელში ჰერელთა გვერდზე დანიელ ყულოშვილი მოუწოდებს საერთო იდეოლოგიის მქონე საზოგადოებას ჰერეთთან მიმართებაში, ერთად დაეხმარონ აზერბაიჯანში მცხოვრებ ქართველებს.