"როცა სახელმწიფოს უჭირს და ამ დროს პოლიციელებს ხელფასები ეზრდებათ, ეს საგანგაშოა. საზოგადოებაში დიდი საპროტესტო მუხტია. ეტყობა, ხელისუფლებას უნდა, ეს მუხტი პოლიციის ძალით ჩაახშოს. არსებობს ხალხის წინააღმდეგ რეპრესიული მანქანის ამოქმედების საფრთხე... დარწმუნებული ვარ, ხალხი არ აირჩევს იმათ, ვინც სახელმწიფოს ხელით ებრძოდა და ებრძვის ქართულ სულიერებას, ზნეობას, ცნობიერებას, კულტურასა და ტრადიციებს. სამართლიანი არჩევნების შემთხვევაში საზოგადოება უპირატესობას მიანიჭებს იმ ძალას, რომელსაც ხალხის მდგომარეობის შეცვლა უნდა და ეკლესიის წინააღმდეგ არაფრის გამო არ წავა. თუ ვერ შევძელით გაერთიანება, ვერას გავხდებით, სახელმწიფო კი გვექნება, მაგრამ ეს არ იქნება ქართული სახელმწიფო".- ლევან ჩაჩუა