ფეხბურთი მსოფლიოში ყველაზე პოპულარული სპორტია და, შესაბამისად, მისი ბურთის ფორმაც ყველასთვის კარგად არის ცნობილი. თუმცა, ალბათ ბევრი არც დაფიქრებულა იმაზე, რომ მას სულაც არ აქვს სფეროს ფორმა. სინამდვილეში, ფეხბურთის ბურთის ფორმა არის შეკვეცილი ოცკუთხედი. ამგვარი ბურთი შედგენილია 32 დეტალისგან, აქედან 20 თეთრი ექვსკუთხედი და 12 შავი ხუთკუთხედია. მათი ერთობა სრულყოფილ სფეროსთან ყველაზე ახლოს მდგომ ფორმას წარმოადგენს. შავი ხუთკუთხედები მოთამაშეებს ეხმარება უფრო კარგად შეიგრძნონ ნებისმიერი გადახვევა ბურთის ფრენის დროს.

32 ნაწილიანი ბურთის იდეა აღებული იქნა ამერიკელი არქიტექტორისა და დიზაინერის, რიჩარდ ბაკმინსტერ ფულერისგან. იგი საერთოდ არ ფიქრობდა ფეხბურთზე, უბრალოდ ეძებდა შენობის აგების ახალ ხერხებს, რომლებიც მინიმალური დანახარჯების პირობებში, სფეროსა ან ნახევარსფეროსთან ყველაზე მეტად დაახლოებული ნაგებობის შექმნის საშუალებას მისცემდა. შედეგად კი მიიღო გენიალური სტრუქტურა, რომელიც დღეს ფეხბურთის ნებისმიერი გულშემატკივრისათვის არის ცნობილი.

"ბაკმინსტერის ბურთის", ე.წ. "Buckyball"-ის მოდელზე შექმნილი პირველი ოფიციალური საფეხბურთო ბურთი გახდა კომპანია Adidas-ის მიერ, 1970 წელს მექსიკაში ფეხბურთის მსოფლიო თასისათვის შექმნილი "Telstar".

"Telstar" Adidas - მექსიკა, 1970.

შავ–თეთრი ლაქოვანი შეფერილობა შემთხვევით არ იქნა შერჩეული: 1970 წლის ჩემპიონატი პირველად გადაიცემოდა პირდაპირ ეთერში და შავ-თეთრ ფერებში გადაწყვეტილი ბურთი Telstar (Star of Television "ტელევიზიის ვარსკვლავი") განსაკუთრებით კარგად იყო შესამჩნევი შავ-თეთრ ეკრანებზე. სწორედ ეს ბურთი გახდა მომდევნო თაობების პროტოტიპი.

დღეს კი ყოველი დიდი საფეხბურთო შეჯიბრისთვის ახალ, უნიკალურ ბურთს ქმნიან. ფერებსაც მეტ-ნაკლებად ცვლიან, თუმცა ფეხბურთის ბურთის ტრადიციულ შეფერილობად მაინც შავ-თეთრია აღირებული.

ასევე დაგაინტერესებთ:

1.ყველაზე დიდი ტრაგედია საბჭოთა სპორტის ისტორიაში - ის, რაზეც 7 წელი არ საუბრობდნენ

2. 8 ყველაზე სკანდალური დამნაშავე ფეხბურთის ისტორიაში - ამბები, რომლებიც ბევრმა არ იცის!

3. ყველა დროის 10 საუკეთესო ანეკდოტი ფეხბურთის შესახებ

4. ცნობილი ფეხბურთელების ყველაზე სექსუალური მეუღლეები

5. ყველაზე სექსუალური სპორტსმენი ქალების ათეული - მამაკაცთა ჟურნალის რეიტინგი

6. რატომ ჩაიშალა საკავშირო ყრილობა სომხეთის რადიოს წარმომადგენლის გამოჩენაზე - იხალისეთ!

7. სპინერის ამ საოცარი თვისების შესახებ ბევრმა არ იცის! - როგორ და რატომ უნდა ავარჩიოთ სწორად