საზოგადოება რა უთხრა ილია მეორემ ზაზა სარალიძეს და რატომ არ დალოცა ზვიად კუპრავა 2018, 2 ივნისი, 17:21
საპატრიარქოში ზაზა სარალიძის ოჯახს უწმინდესმა უმასპინძლა. პატრიარქი ზაზა სარალიძეს მეუღლესა და შვილთან ერთად შეხვდა. საპატრიარქოსთან ოჯახის ადვოკატი ზვიად კუპრავაც იმყოფებოდა. მას სურდა, პატრიარქს დაელოცა, სთხოვა, თუმცა ეს არ მოხერხდა. ზვიად კუპრავა საპატრიარქოში არ შეუშვეს. „პატრიარქმა გვითხრა, რომ ლოცვა გაგვაძლიერებს, - ამის შესახებ ხორავას ქუჩაზე მოკლული მოზარდის დავით სარალიძის მამამ ზაზა სარალიძემ ჟურნალისტებს პატრიარქთან შეხვედრის დეტალებზე საუბრისას განუცხადა.
როგორც მან აღნიშნა, აქციასთან დაკავშირებით ან სხვა საკითხებზე საპატრიარქოში გამართულ შეხვედრაზე საუბარი არ ყოფილა. ზაზა სარალიძის თქმით, მან პატრიარქს უამბო ყველა ის საკითხი დეტალურად, რასაც ნებისმიერ ადამიანს ეუბნება.
„ვიყავით შესული ლოცვა-კურთხევის ასაღებად. შეხვედრაზე ვიყავი ჩემს მეუღლესა და მეორე შვილთან ერთად. პატრიარქმა დაგვლოცა და გვითხრა, რომ ლოცვა გაგვაძლიერებს. კონკრეტული მეტი არაფერი. ემოციებით გამოვედით შეხვედრიდან, მეუღლე მახლავს და არ მინდა მან დისკომფორტში იგრძნოს თავი, მოგვიანებით ვისაუბრებ“, - განაცხადა ზაზა სარალიძემ.
მან ასევე განნმარტა, რომ აქამდეც დიდი სურვილი ჰქონდა ოჯახთან ერთად პატრიარქთან შეხვედრის და რადგან შანსი მიეცა მას არ გაუშვებდა ხელიდან.
1509 2-ს მოსწონს 1-ს არა |
  |
Intermedia.ge © 2011-2024 წელი
საავტორო უფლებები დაცულია
 |
კიდევ ერთხელ გავიმეორებ სტატიის სათაურს : "რა უთხრა ილია მეორემ ზაზა სარალიძეს და რატომ არ დალოცა ზვიად კუპრავა". ანუ რატომ არ დალოცა დაცვამ რომ არ შეუშვა იმიტომ? უნდოდა დალოცვა და დაცვამ რომ არ შეუშვა იმიტომ ვერ დალოცა? ცოტა სასაცილოა ამაზე ამხელა პოლემიკა. ავტორს არ ვაკრიტიკებ უბრალოდ მისი აზრი მაინტერესებდა და ამიტომაც ვკითხე. მადლობა მშვენიერ მოზამბიკელს განმარტებისთვის.
ვინც არ უნდა მოინდომოს ზონდერი ვერ "გაპრავდება".