საქართველოს კომუნიკაციების მარეგულირებელი ეროვნული კომისიის თავმჯდომარე კახი ბექაური ამბობს, რომ საქართველოში მოქმედი ყველა მაუწყებელი მზად არის საკუთარი ფინანსური შემოსავლები გამჭვირვალე გახადოს. ერთადერთი მხოლოდ „რუსთავი 2“ იბრძვის, რომ საკუთარი შემოსავლები არ გაასაჯაროონ. ბექაურის თქმით, სწორედ რუსთავი2-ის გამო კანონის აღსრულება წლებია ჭიანურდება.

„მხოლოდ რუსთავი 2 - ია დღეს ის ტელეკომპანია, რომელიც იბრძვის იმ მიზნით, რომ მათი შემოსავლები გამჭვირვალე არ იყოს.

ამერიკის სახელმწიფო დეპარტამენტის ანგარიშში აღნიშნულ, 2013 წლის კანონით განსაზღვრულ, მედიის ფინანსურ გამჭვირვალობას, რუსთავი 2 უკვე 4 წელია ეწინააღმდეგება.

მხოლოდ რუსთავი 2 - მა გაასაჩივრა სასამართლოს პირველ ინსტანციაში წაგებული საქმე მეორე ინსტანციაში და ხელს უშლის საზოგადოებას, მიიღოს დეტალური ინფორმაცია მედიაკომპანიების შემოსავლის წყაროების შესახებ.