ახალი ინიციატივის ავტორი დეპუტატი ემზარ კვიციანია საქართველოს პატრიოტთა ალიანსიდან.

პარლამენტის ადამიანის უფლებათა დაცვის კომიტეტის სხდომაზე განიხილავენ იმ ცვლილებებს სისხლის სამართლის კოდექსიდან, რომელიც ემზარ კვიციანმა წარადგინა.საკითხის განხილვას საქართველოს საპატრიარქოს, ასევე სხვადასხვა კონფენსიების წარმომადგენლები დაესწრებიან.

ახალი კანონპროექტის თანახმად რელიგიური გრძნობების შეურაცხყოფა შესაძლოა დასჯადი გახდეს - 1 -იდან 2 წლამდე თავისუფლების აღკვეთით ან ფულადი ჯარიმით.

„ბოლო პერიოდში ფაქტები ვიხილეთ, რასთან დაკავშირებითაც კონსულტაცია საპატრიარქოსთანაც მქონდა. მართლმადიდებელი წმინდანების არასათანადო ფორმით წარმოჩენისთვის ბევრი ადამიანი შეურაცხყოფილია, რასაც ვემიჯნები და ვგმობ. ვფიქრობ, გარკვეული სამუშაო ჩასატარებელია და საკითხები სამართლებრივ რეგულაციებშია მოსაქცევი ისე, რომ რელიგიური და სიტყვის თავისუფლება ერთმანეთთან წინააღმდეგობაში არ მოვიდეს. ბალანსის დაცვა ისე შეგვიძლია, როგორც ბევრ ქვეყანაშია”-განაცხადა ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარემ სოფო კილაძემ.

ახალი ცვლილებების თანახმად დასჯადი იქნება რელიგიური სიწმინდეების, რელიგიური ორგანიზაციის, ღვთისმსახურის და მორწმუნის საჯარო შეურაცხყოფა ან ისეთი მასალის გამოქვეყნება ან ჩვენება, რომელიც მიზნად ისახავს მორწმუნეთა გრძნობების შელახვას.

შეგახენებთ, 2015 წელს საპარლამენტო უმრავლესობის მაშინდელი წევრი სოსო ჯაჭვლიანი და „საქართველოს დემოგრაფიული საზოგადოება XXI"-ის ხელმძღვანელი ზვიად ტომარაძე ანალოგიური ინიციატივით წარდგენენ და წარმოადგინეს კანონპროექტი, რის მიხედვითაც საქართველოს ადმინისტრაციულ სამართალდარღვევათა კოდექსს უნდა დამატებოდა 166-1 მუხლი „რელიგიური გრძნობების შეურაცხყოფა",

პარლამენტის ადამიანის უფლებათა დაცვისა და სამოქალაქო ინტეგრაციის კომიტეტმა 2016 წლის თებერვალში პირველი მოსმენით განიხილა და მხარი დაუჭირა ამ ინიციტივას, რის მიხედვითაც დადგინდა:

პირის რელიგიური გრძნობების შეურაცხყოფა გამოიწვევს დაჯარიმებას 300 ლარის ოდენობით, ხოლო განმეორების შემთხვევაში ჯარიმა 600 ლარია. ხოლო რელიგიური სიწმინდეების და საკულტო ნაგებობების წაბილწვა 500 ლარით დაჯარიმებას ითვალისწინებს.

ამჯერად ემზარ კვიციანი სთავაზობს საკანონმდებლო პროექტს, რომლის მიხედვით, რელიგიური გრძნობების შეურაცხყოფა სისხლის სამართლის წესით დასჯადი გახდება.

თუმცა უმრავლესი დეპუტატების ნაწილს და შინაგან საქმეთა მინისტრის მოადგილეს კითხვები აქვთ. მათი თქმით, ბევრი დეტალი ბუნდოვანია.

იხილეთ აგრეთვე