ტელეწამყვანი მაია ასათიანი ეთერში ბრუნდება. მან თოქ-შოუ „პროფილის“ ახალი გამოშვება დღეს ჩაწერა, რომელიც ეთერში მომავალ ხუთშაბათს, ტრადიციულ დროს გავა.

ინფორმაცია და შესაბამისი ფოტოსურათი გადაცემის ოფიციალურ გვერდზე, სოციალურ ქსელში გავრცელდა, სადაც წამყვანი გადაცემის ჩაწერამდეა ასახული.

რამდენიმე კვირის წინ მაია ასათიანის ჯანმრთელობის მდგომარეობის გამო „პროფილი“ ეთერიდან დროებით მოიხსნა. მოგვიანებით მაია ასათიანმა განმარტა, რომ იგი არც საავადმყოფოში იმყოფება, არც მონასტერში და გადაცემის გასაგრძელებლად ძალებს იკრებდა.

ამავე თემაზე: „არ ვარ არც მონასტერში და არც საავადმყოფოში, ძალებს ვიბრუნებ“ - მაია ასათიანი