საქართველოში გვარის შეცვლის წესი გამკაცრდა. გადაწყვეტილება მთავრობის დღევანდელ სხდომაზე მიიღეს. მიზეზად კი ის გარემოება დასახელდა, რომ ევროპაში ერთი და იგივე ადამიანი სხვადასხვა გვარით რამდენჯერმე ცდილობს შესვლას.

იუსტიციის მინისტრი თეა წულუკიანი ამბობს, რომ გასულ წელს ზოგიერთმა პირმა გვარი ოთხჯერ გადაიკეთა.

„მაგალითად ჩვენ გვაქვს შემთხვევები, როდესაც წლის განმავლობაში ერთი და იმავე პირმა შარშან ოთხჯერ, სამჯერ, ორჯერ შეიცვალა გვარი, რაც ქმნის ძალიან სერიოზულ პრობლემას დოკუმენტების უსაფრთხოებასთან დაკავშირებით, და საფრთხის წინაშე აყენებს უვიზო მიმოსვლის საკითხს შენგენის სივრცეში", - აღნიშნა თეა წულუკიანმა.