დღეისთვის ყველაზე გავრცელებული, შემოსავლიანი და ბევრი ადამიანისთვის შეუცვლელად საყვარელი სპორტი ფეხბურთია. მისი "დაბადებიდან" მალევე მსოფლიოში ელვის სისწრაფით გავრცელდა. ფეხბურთის თანამედროვე სახით ჩამოყალიბება ინგლისში მოხდა, სწორედ ამ ქვეყნიდან აიდგა ფეხი სპორტის ამ სახეობამ და ვირუსულად მოედო მთელს მსოფლიოს. ინგლისშივე შეიქმნა ფეხბურთის პირველი ასოციაცია, სადაც შეიმუშავეს კანონები, რომლითაც დღემდე ხელმძღვანელობენ თანამდედროვე ფეხბურთის მესვეურები.

დღეს ყველაზე პოპულარული ფეხბურთის საერთაშორისო მმართველი ორგანიზაცია არის "ფიფა" და ყველაზე პრესტიჟული საეხბურთო შეჯიბრი "ფიფას" მსოფილო ჩემპიონატია. ისევე როგორც სხვა ქვეყნებში, ფეხბურთს საქართველოშიც დიდ პატივს სცემენ, თუმცა ამ სპორტით მსოფლიოში თავი 1981 წლის შემდეგ აღარ გამოგვიჩენია. ამ წელს თბილისის "დინამომ" ევროპის ქვეყნების თასის მფლობელთა თასი მოიპოვა. თუმცა აღნიშვნას ნამდვილად იმსახურებს ის, რომ მუხედავად ხშირი წარუმატებლობისა ამ სპორტით სულ უფრო მეტი ახალგაზრდა ინტერესდება და საქართველოს ეროვნული ფეხბურთის ფედერაციაც ცდას არ აკლებს, ახალ თაობაში ფეხბურთის მიმართ ინტერესი გაზარადოს. თუმცა ქართულ ფეხბურთზე სხვა სტატიებში გესაუბრებით, ახლა კი მინდა ტესტი შემოგთავაზოთ, რამდენად კარგად გახსოვთ მსოფლიო ფეხბურთის ისტორია და ის მნიშნველოვანი თარიღები, როცა ამა თუ იმ ქვეყნის გუნდმა გულშემატკივარს უდიდესი სიხარული მოუტანა.