ერთერთი პირველი ქართველი ტელეწამყვანი დავით სოკოლოვი ხანდაზმულთა პანსიონში მოხვდა. ამის შესახებ ინტერნეტ ტელევიზია POSTV-ი სპეციალურ ვიდეო რეპორტაჟს ავრცელებს.

„წელიწადზე მეტია ამ ჰოსპიტალში ვარ, მანამდე სხვა ადგილას ვიყავით, შემდეგ აქ გადმოვედით. აქ უკეთესია, რადგან მეტი ყურადღებაა და კარგი სამედიცინო მომსახურებაა. ჩემს მეუღლეს ინსულტი ჰქონდა, მეტყველება წაერთვა და 5 წელია ვუვლი. ისიც აქაა. მას ტვინში ჰქონდა ინსულტი, მე ზურგის ტვინში. პირველი სკოლის უკან ვცხოვრობდით, შევჩენკოს ქუჩაზე, მაგრამ ბინა დაგვეწვა, “ - ამბობს სოკოლოვი.

სოკოლოვი მაყურებელს გამორჩეული ხმის ტემბრით და განსხვავებული მეტყველების მანერით დაამახსოვრდა. ის წლების მანძილზე საინფორმაციო პროგრამა „მოამბე“-ს უძღვებოდა.