მეორადი ნივთების შეძენა, — სასარგებლოა როგორც გარემოსთვის, ისე ოჯახის ბიუჯეტისთვის. მაგრამ, ზოგიერთ შემთხვევაში, სხვის მიერ ნახმარი ნივთების შეძენის შემდეგ, ადამიანი შესაძლებელია იმედგაცრუებული დარჩეს. ამის მიზეზი კი ის არის, რომ არსებობს ნივთები, რომლებიც შეძენის მომენტში, აუცილებლად ახალი უნდა იყოს.

როგორც ამბობენ, «ძუნწი 2-ჯერ იხდისო» და ჩვენც მსგავსი რამ რომ არ დაგვემართოს და საკუთარი (არა მარტო) სიცოცხლე და ჯანმრთელობა რისკის ქვეშ რომ არ დავაყენოთ, უმჯობესია ეკონომია არ გავაკეთოთ და ეს 6 ნივთი, აუცილებლად ახალი შევიძინოთ.

1 ჩაფხუტი

ველოსიპედის და მოტოციკლის ჩაფხუტი დაახლოებით ერთი პრინციპით მზადდება— ორივე შემთხვევაში, ჩაფხუტის შიდა ნაწილი პლასტიკური ქაფის თხელ ფენას შეიცავს, რომელიც დარტყმის ან დავარდნის შემთხვევაში, შეიძლება დაიბზაროს. ამიტომ, შემდგომი დარტყმის შემთხვევაში, თავი საიმედოდ დაცული აღარ იქნება.

ყველაზე ცუდი კი ის არის, რომ ჩაფხუტი გარედან შეიძლება უნაკლოდ გამოიყურებოდეს, მაგრამ შიგნით ქაფის ფენა დაზიანებული იყოს.

2. ავტომობილის საბურავი

ავტომობილის მეორადი საბურვავი ვიზუალურად შეიძლება ახალივით გამოიყურებოდეს, მაგრამ მისი მოხმარება შესაძლებელია ჩვენი სიცოცხლისთვის და ჯანმრთელობისთვის სახიფათო იყოს. ნახმარი საბურავის შეძენისას, ვერავინ მოგვცემს იმის გარანტიას, რომ საბურავი მისთვის შესაფერის პირობებში ინახებოდა. ასევე შეუძლებელია იმის შემოწმება, სად და როგორ გამოიყენებოდა. თვადაპირველად, რა თქმა უნდა, კომფორტულად შესაძლებელია მგზავრობა. მაგრამ შემდეგ, ყველაზე შეუფერებელ მომენტში, შეიძლება დაზიანდეს და მწყობრიდან გამოვიდეს. ამის მიზეზი შეიძლება ნებისმიერი რამ იყოს: გადაჭარბებული დატვირთვა, სიჩქარე, არაგეგმიურად დამუხრუჭება ან სწრაფი მანევრი... მეორადი საბურავებით მოძრაობა, განსაკუთრებით, სახიფათოა ქალაქგარეთ, დაზიანებულ გზაზე, მთიან რეგიონებში და განსაკუთრებით, დათოვლილ და მოყინულ გზებზე. მანქანის საბურავებზე არის დამოკიდებული მძღოლის, მისი ოჯახის წევრების და იმ ადამიანის სიცოცხლე და ჯანმრთელობა, რომლებიც ამ ავტომობილის მოძრაობისას, მის სიახლოვეს, აღმოჩნდებიან.

3. საბავშვო ავტოსავარძელი

უსაფრთხოების ბალიშების ანალოგიურად, ავარიის შემდეგ, საბავშვო ავტოსავარძელი უნდა გამოიცვალოს. მისი გამძლეობა მეტად შეზღუდულია და დარტყმის შემთხვევაში, გამოუსადეგარი ხდება. ასეთი სავარძელი, სავარაუდოდ, ხელახალ დატვირთვას ვეღარ გაუძლებს და ბავშვი გამუდმებით საფრთხის ქვეშ იქნება.

მეორადი სავარძლის ყიდვის დროს, არავითარი გარანტია არ არსებობს, რომ ავტომობილი, რომელშიც ეს სავარძელი იყო, ავარიაში არ არის მოყოლილი. გარდა ამისა, როგორც წესი, ასეთ სავარძლებს არასდროს მოჰყვება მისი უსაფრთხოდ ექსპლუატაციის წესებ.

4. ლეიბი (მატრაცი)

თანამედროვე ლეიბებს გადასაკრავები აქვს, რომლის მოხსნა და გარეცხვა პრობლემას არ წარმოადგენს. მაგრამ, არ უნდა დავივიწყოთ, რომ ლეიბზე, შესაძლებელია, წინა მეპატრონის ბიოლოგიური ნიმუშები, მაგ., ოფლის ნაწილაკები და მკვდარი უჯრედები იყოს, რომლითაც ოთახის მტვრის ტკიპა იკვებება. ამიტომ, მეორადი ლეიბის შეძენის შემთხვევაში, მის გამოყენებამდე, აუცილებლია ქიმიური დამუშავება, ანუ ქიმწმენდაში ჩაბარება. ლეიბის ქიმიური დამუშავება იმისთვისაც არის საჭირო, რომ ძველი პატრონის შესაძლო დაავადებებისგან დავიცვათ თავი.

რა თქმა უნდა, არსებობს ნივთები, რომლის ყიდვა მეორადების მაღაზიებში, და საიტებზე შეიძლება: მაგ., საყოფაცხოვრებო ტექნიკა, სატრანსპორტო საშუალებები, ტანსაცმელი... მაგრამ, ეს 6 ნივთი, აუცილებლად ახალი უნდა შევიძინოთ!

თქვენთვის ასევე საინტერესო იქნება:
* უკეთესად იცხოვრებთ, თუ ამ 3 რამეს გაიტანთ სახლიდან!
* ჩვევები, რომლებიც გამდიდრების საშუალებას არ გვაძლევს
* რა მოხდება ქვეყანაში, ყველაფერი უფასოდ რომ იყოს და ყველა უზრუნველად რომ ცხოვრობდეს