22 წლის ბეტანი ლინ სტივენსი ვირჯინიიდან (აშშ)საკუთარმა ძაღლმა მოკლა ტყეში სეირნობის დროს, გოგონას დასახიჩრებული გვამი მას შემდეგ აღმოაჩინა პოლიციამ, როდესაც ბეტანის მამამ პოლიციაში განაცხადა ქალიშვილის დაკარგვის შესახებ.

როდესაც პოლიციამ გოგონას გვამი აღმოაჩინა, ორივე პიტბული იქვე შორიახლოს იმყოფებოდა, ბეტანის სხეულზე 60 ჭრილობა აღენიშნებოდა.მთლიანად დასახიჩრებული ჰქონდა სახე და ყელი გამოღადრული იყო.გოგონას ხელებიც დაგლეჯილი ჰქონდა, აშკარად იგი თავს იცავდა, თუმცა აგრესიულმა ძაღლებმა მას შანსი არ დაუტოვეს.

უცნობია რა გახდა ძაღლების პროვოცირების მიზეზი, ბეტანი მათ პატარაობიდანვე, ლეკვობის პერიოდიდან ზრდიდა და ძალზე უყვარდა ისინი, "ფეისბუქზე" გოგონას უამრავი ფოტო ედო საყვარელ ცხოველებთან ერთად გადაღებული.

ბეტანის მეგობრებს არ სჯერათ, რომ ეს ძაღლებმა ჩაიდინეს, თუმცა ექსპერტი დარწმუნებულია, რომ მკვლელობა სწორედ ძაღლების ნამოქმედარია.

XIX საუკუნეში გამოყვანილი ეს ამერიკული ჯიშის ძაღლი ყველაზე საშიშად ითვლება მსოფლიოში, პიტბულის(სწორი დასახელება პიტ ბულ ტერიერი)ასე "გაბოროტებას" და მის ძლიერ ფიზიკურ მონაცემებს ისევ ადამიანებს უნდა "ვუმადლოდეთ" რომლებიც ბოროტად იყენებდნენ წლების განმავლობაში.უამრავი ტრაგიკული შემთხვევის დაფიქსირების შემდეგ ამ ჯიშის ძაღლი ევროკავშირის უმეტეს ქვეყნებში აიკრძალა, ხოლო შეერთებულ შტატებში აკრძალეს პიტბულის უნებართვოდ გამრავლება.