საქართველოში, გაეროს მონაცემებით, 2000 წელს 76, 000 მიგრანტი იმყოფებოდა, 2017 წელს კი მათი რაოდენობა სულ 2000-ით გაიზარდა (კვლევა მოიცავს რუსეთის მიერ ოკუპირებულ აფხაზეთისა და სამხრეთ ოსეთის ტერიტორიებსაც). მათი პროცენტული რაოდენობა, მოსახლეობის მთლიან მაჩვენებელთან შედარებით, 2%-ს შეადგენს.

2000 წლიდან მნიშვნელოვნად შემცირებულია საქართველოში მყოფი მიგრანტების საშუალო ასაკი: საუკუნის დასაწყისში აღნიშნული მაჩვენებელი 51.6-ს, ხოლო 2017 წელს კი 40.6-ს შეადგენდა.

2017 წელს მიგრანტების რაოდენობამ მსოფლიოში 258 მილიონ ადამიანს მიაღწია, რაც მიმდინარე წელს 49%-იან ზრდას წარმოადგენს. აღნიშნულთან დაკავშირებით ანგარიშს გაეროს ეკონომიკური და სოციალური საკითხების დეპარტამენტი აქვეყნებს.

გაეროს მიხედვით, დედამიწის მოსახლეობის დაახლოებით 3.4% მიგრანტია - ანუ ადამიანები, რომლებიც სამშობლოში არ ცხოვრობენ. შედარებისთვის, 2000 წელს მათი პროცენტული მაჩვენებელი 2.8%-ს შეადგენდა.

მსოფლიოში ყველაზე მეტი მიგრანტი (49, 777 მლნ.) აშშ-ში ცხოვრობს. მომდევნო პოციზიებს საუდის არაბეთი (12, 185 მლნ.), გერმანია (12, 165 მლნ.) და რუსეთი (11, 652 მლნ.) იკავებენ. ინდოეთი კი წარმოადგენს ქვეყანას, რომელიც ყველაზე მეტმა, 17-მა მილიონმა ადამიანმა დატოვა.

კვლევაში მოცემულ საერთაშორისო მიგრანტებს შორის შედის 26 მილიონი დევნილიც. მათმა უმრავლესობამ (80%) ცხოვრება დაბალ, ან საშუალო განვითარების ქვეყანაში გააგრძელა.

იხილეთ კვლევა — www.un.org