სერ პოლ მაკარტნიმ- ინგლისელმა მუსიკოსმა, 60-იანი წლების ყველაზე პოპულარული ბრიტანული ჯგუფის The Beatles-ის, ერთერთმა დამფუძნებელმა, გრემის პრემიის 15-ჯერ მფლობელმა, მომღერალმა, კომპოზიტორმა, პროდიუსერმა, ბრიტანეთის იმპერიის ორდენის კავალერმა-თავისი 70 წლის იუბილე აღნიშნა 18 ივნისს. მაკარტნის რამდენიმე ათეული წელია რაც მოიხსენიებენ "ლეგენდარულ მუსიკოსად", რომლის შემოქმედება სამართლიანად ითვლება "იმპერიის მიღწევად". მან თავისი იუბილე აღნიშნა ლივერპულის პატარა ქალაქში, სადაც დაიბადა "The Beatles"-ის მომავალი მუსიკოსი და სადაც იგი 12-13 წლის ასაკამდე იზრდებოდა. სპეციალურად იუბილესთვის მან ჩაწერა სიმღერა "Birthday"-ის ახალი ვერსია და ამ ჩანაწერიდან შემოსულ თანხებს იგი ქველმოქმედებას მოახმარს. რაოდენ დიდი პოპულარობით სარგებლობდა და ახლაც არ კარგავს პოპულარობას ჯგუფი "The Beatles"-ის მიერ შექმნილი სიმღერები, თქვენც კარგად მოგეხსენებათ. ჯგუფმა დიდი გავლენა მოახდინა როკ-მუსიკაზე და სამართლიანად ითვლება XX საუკუნის ყველაზე წარმატებულ ჯგუფად