Mercedes-Benz W124-ერთ-ერთი ყველაზე საიმედო ავტომობილია მსოფლიოში, მილიონი კილომეტრი გარბენი არ წარმოადგენს მისთვის რაიმე ფანტასტიკის სფეროს, ასეთი ეგზემპლიარები საკმაოდ მოიპოვება, თუმცა Mercedes 124-უნივერსალმა, რომელიც ჰოლანდიაშია, ახალი რეკორდი დაამყარა -2, 1 მილიონი კილომეტრი გარბენი.

ავტომობილი 1986 წელსაა გამოშვებული, 2000 წლისთვის მას უკვე მილიონი კილომეტრი ჰქონდა გავლილი.

რა თქმა უნდა ამ ხნის განმავლობაში ავტომობილს რამდენჯერმე დასჭირდა ავტოპროფილაქტიკაში მომსახურეობა.მაგალითად ძრავა სამჯერ გამოცვალეს, სხვათა შორის ბოლოს ჩადგმულმა ძრავამ უკვე 700 000 კილომეტრი გაიარა.რაც შეეხება ძარა და სალონი სრულიად ორიგინალია, მათ უპრობლემოდ გაუძლეს 2 მილიონ კილომეტრ გარბენს.

ამჟამად უნიკალური ავტომობილი იყიდება.მისი ფასი 2500 ევროა და სქელტანიანი სერვის-წიგნიც მოჰყვება.

იხილეთ სტატიები მსგავს თემებზე