1967 წლის ზაფხულში საბჭოთა კავშირში ჩამოვიდა ჟურნალ LIFE -ის ამერიკელი ფოტოკორესპონდენტი ბილ ეპრიჯი, რომელსაც სპეცრეპორტაჟი უნდა მომზადებინა დიდი ოქტომბრის რევოლუციის 50 წლისთავთან დაკავშირებით.

ბილ ეპრიჯი(Bill Eppridge) დაიბადა 1938 წელს ბუენოს-აირესში, თუმცა გაიზარდა აშშ-ში, კერძოდ რიჩმონდში(შტატი ვირჯინია), მისი გადაღებულია სასიკვდილოდ დაჭრილი რობერტ კენედის ცნობილი კადრები, ლათინოამერიკული რევოლუციები, ლეგენდარული "ვუდსოკის" მუსიკალური ფესტივალი და სხვა.1967 წელს იგი საბჭოთა კავშირს ეწვია.

ჟურნალ LIFE-ის რედაქცია ელოდა, რომ საბჭოთა კავშირიდან მიიღებდა პირქუშ ფოტოებს(როგორც დასავლური პროპაგანდა ირწმუნებოდა)მუქ სპეცტანსაცმელში გამოწყობილ საბჭოთა ახალგაზრდებს, რომლებიც მკაცრი სახეებით წითელ მოედანზე მარშირებდნენ..მაგრამ ეპრიჯმა სულ სხვა ფოტოები ჩამოიტანა:ახალგაზრდები, რომლებიც კლუბებში და დისკოთეკაზე ცეკვავენ, მღერიან, პლაჟზე ირუჯებიან, აღნიშნავენ "ნეპტუნის დღეს", ტყეში მწვადს წვავენ, ისმენენ ლექციებს, მშენებლობაზე მუშაობენ და სხვა.

ანუ სწავლობდნენ, ერთობოდნენ და მუშაობდნენ ისე, როგორც ყველა ჩვეულებრივი, თუნდაც ამერიკელი ახალგაზრდები.