მინიატურული გოგონები – მშვენიერები არიან (მაღლების საწყენად არ არის ნათქვამი). გავიხსენოთ კაილი მინოუგი (155 სმ), სალმა ჰაიეკი (157 სმ), შაკირა (150 სმ), დები ოლსონები (155 სმ), მადონა (158 სმ) და ბევრი სხვა ვარსკვლავი, რომლებიც «პატარები» არიან, მაგრამ ყველაზე მეტად «ანათებენ».
სიდაბლე პრობლემა არ არის, მაგრამ ისეც ხდება, რომ დროდადრო დაბალ გოგობებსაც უნდათ, რომ ცოტა მაღლები გამოჩნდნენ, თუნდაც მხოლოდ ვიზუალურად. როგორ უნდა შეარჩიონ ტანსაცმელი და ფეხსაცმელი, რომ იმაზე მაღლები გამოჩდნენ, ვიდრე სინამდვილეშ არიან (ფეხსაცმლის ქუსლები არ ითვლება)? რა უნდა ჩაიცვან და რაზე უნდა თქვან უარი?

ტომარისებური სამოსი – არა! ტანზე მომდგარი ტანსაცმელი – დიახ!


მოცულობითი სამოსი ამძიმებს სილუეტს და ამცირებს სიმაღლეს.
შავი ფერი – არა! მუქი ფერი – დიახ!

შავი ფერის ტარება არ არის რეკომენდირებული დაბალი გოგონებისთვის: ის ამცირებს სხეულის ზომას და არა მარტო სიგანეში. თუმცა, შეიძლება სხვა მუქი ფერების შერჩევა. მაგ., ყავისფერი, ბორდოსფერი, იისფერი, ნაცრისფერი.
კონტრასტული შეხამება – არა! ერთტონიანი შეხამება – დიახ!


დაბალმა გოგონებმა მონოქრომული სამოსი უნდა ატარინ (ახლოს მდგარი ტონები). კონტრასტული ფერები სხეულს ნაწილებად ყოფს, რაც გოგონას დაბალი სიმაღლეს, თვალშისაცემი ხდება.
დაბალი წელი – არა! მაღალი წელი – დიახ!


სამოსი მაღალ წელზე, ფეხებს აგრძელებს და სიმაღლეს ზრდის. ხოლო დაბალი წელო, პირიქით – ადაბლებს.
კაბა-ბალახონი – არა! კაბა-ფუტლიარი – დიახ!


კაბა-ფუტლიარი იდეალური ვარიანტია დაბალი გოგონასთვის. ის იდეალურად ჯდება მის ფიგურაზე და სიმაღლეში ზრდის.
ქვედაბოლო-მიდი – არა! ქვედაბოლო მუხლს ზევით – დიახ!


საუკეთესი ვარიანტი დაბალი გოგონებისთვის არის ქვედაბოლოები და კაბები, სიგრძით – მუხლს ზევით. ასეთი სიგრძის სამოსით, ნებისმიერი სიმაღლის ფეხსაცმლის ჩაცმა შეიძლება. მიდი კი, მხოლოდ მაღალქუსლიან ფეხსაცმელზე უნდა ჩაიცვან. წინააღმდეგ შემთხვევაში, დიდია რისკი, იმისა რომ გოგონა გნომების პრინცესას დაემსგავსოს.
მოკლე და განიერი შარვალი – არა! კლასიკური სწორი შარვალი – დიახ!


ვიზუალურად, ადამიანს ამაღლებს კლასიკური შარვალი, საშუალო სიგანით. დაბალმა გოგონებმა არავითარ შემთხვევაში არ უნდა ჩაიცვან კაპრები, ბერმუდები ან ნებისმიერი სხვა სტილის შემოკლებული შარვლები.
იგივე შეიძლება ითქვას ჯინსის შარვლებზე. ჯინსის შარვალი განიერი ტოტებით, მათი სტილი არ არის.
ტუნიკა – არა! მოკლე ტოპი – დიახ!


არც ტუნიკა არის დაბალი გოგონას სტილი. უმჯობესია თუ ბლუზს წელამდე ან კროპ-ტოპებს ატარებენ.
გრძელი პიჯაკი და ჟილეტი – არა! მოკლე პიჯაკი და ჟილეტი – დიახ!



მინიატურულმა გოგონებმა, ასევე უნდა ჩაიცვან მინიატურული პიჯაკები და კარდიგანები: მათი სიგრძე არ უნდა ჩამოდიოდეს წელის ქვევით. ასევე არ უნდა ჩაიცვან გრძელი ჟილეტები.
გრძელი პალტო – არა! პალტო მუხლებამდა – დიახ!


გვიან შემოდგომაზე და ადრეულ გაზაფხულზე, უნდა ატარონ პალტოები მუხლამდე და არავითარ შემთხვევაში არ უნდა ჩაიცვან გრძელი სტილი.
განიერი ქამარი – არა! წვრილი ქამარი – დიახ!


წვრილი ქამარი წელს გამოყოფს და სიმაღლეს ზრდის, ხოლო განიერი ქამარი, პირიქით – უკუეფექტს იქვევს.
ფეხსაცმელი შესაკრავით – არა! ფეხსაცმელი თასმის გარეშე – დიახ!


ყველაზე შესაფერისი ფეხსაცმელი – ე. წ. ნავია. სასურველია, რომ ის ხორცისფერი იყოს. ასეთი ფეხსაცმელი მხოლოდ ფეხებს კი არ აგრძელებს, არამედ ყველა სახის სამოსისთვის არის შესაფერისი. გარდა ამისა, არ არის სასურველი დიდი და მასიური ან თასმიანი ფეხსაცმელების შეძენა, ეს უკანასკნელი ფეხს «ჭრის» და ამოკლებს.
დიდი ჩანთა – არა! პატარა ჩანთა – დიახ!


მინიატურულმა გოგონებმა ისეთივე მინიატურული ჩანთებუ უნდა ატარონ, როგორების თვითონ არიან. წინააღმდეგ შემთხვევაში, მათ ჩანთა გადაფარავს და უცნაური შესახედავები იქნებიან.

ასევე უნდა დაივიწყონ:

I. საშუალო სიმაღლის ჩექმები

ფეხი რომ უფრო გრძელი გამოჩნდეს, ჩექმა უნდა იყოს დაბალი ან მაღალი – მუხლების მიდამოებში (ზევით ან ქვევით).

II. ტუნიკა


ტუნიკა მაღალი გოგონებისთვის არის შექმნილი.

III. ფეხსაცმელი მომრგვალებული ცხვირით

ფეხის დასაგრძელებლად, უმჯობესია, შედარებით წვეტიანი ფეხსაცმლის არჩევა.

IV. ფენა-ფენა სტილი

არ უნდა ჩაიცვან რამდენიმე დასახელების სამოსს ერთდროულად. ეს საუკეთესო გადაწყვეტილება არ არის დაბალი გოგონებისთვის.

V. კაბა-მაისური

არც ეს არის კარგი ვარიანტი მინიატურული აღნაგობის გოგონებისთვის.

VI. კვადრატული ტოპები

ასეთი ტოპი, დაბალ გოგონას კვადრატულად აქცევს.

VII. აბრეშუმის განიერი შარვლები

მათ უფრო მუხდებათ შარვლები სქელი ქსოვილებისგან.

VIII. გრძელი ქვედაბოლო


ეს ყველაზე ცუდი ვარიანტია, ყველა ვარიანტს შორის. დაბალი გოგონა, გრძელ კაბაში, ზარს ემსგავსება.

IX. ჰორიზონტალური ზოლები

გამოიყენეთ სამოსი ვერტიკალური პრინტები, რომელიც ამაღლებს. ხოლო სიგანის ზოლები, პირიქით – ადაბლებს.

X. კაბა არათანაბარი სიგრძით

წინ აწეული და უკან დაწეული კაბა, ასევე შეუფერებელია დაბალი გოგონებისთვის. საუკეთესო ვარიანტია მოკლე კაბა.

XI. კომბინიზონი პრინტით

ასეთი კომბინიზონი ადაბლებს, უმჯობესია ერთტონიანი კომბინიზონის შერჩევა.

XI. ტომარისებური ჯინსები

ის ვიზუალურად ამძიმებს გარეგნობას და დაბალი იმაზე უფრო დაბალი ჩანს, ვიდრე სინამდვილეში არის.

სანტიმეტრები მთავარი არ არის და არც ასაკსა აქვს დიდი მნიშვნელობა. თუ ქალბატონს უნდა, რომ კარგად გამოიყურებოდეს და იმაზე მაღალი გამოჩნდეს, ვიდრე რეალურად არის, ქვემოთ მოცემული რჩევები უნდა გაითვალისწოს:

უპირველეს ყოვლისა, თუ საუბარი კაბაზე არის, ის უნდა იყოს სწორი, ტანზე კარგად მომდგარი ან А სტილის – კაბები ამაღლებული წელით, ხოლო ქვედაბოლოები ჭრილით. უპირატესობა უნდა მიანიჭონ ერთტონიან სამოსს, რომლის გაფორმება სხვადასხვა სახის აქსესუარებით შეიძლება.

მინიატურულ ქალბატონებს ძალიან უხდებთ სამოსი ვერტიკალური ხაზებით — ეს შეიძლება იყოს პრინტი, დეკორატიული ელემენტები, ვერტიკალური პლისები, ღილები, კონტრასტულად გამოყოფილი ელვა შესაკრავი და სხვა.

მათ უნდა აირჩიონ დეკოლტეს ღია ზონა V-სტილით, რომელიც სხეულის ზედა ნაწილს აგრძელება, ხოლო ოთხკუთხედ და წრიულ დეკოლტეებზე, უარი თქვან. ასევე, არ უნდა შეიკრან პერანგი ბოლო ღილამდე.

არ არის რეკომენდირებული ჰორიზონტალური უზორები, უჯრედების სტილის ნახატები, დიდი ზომის პრინტები, ფერების კონტრასტი, რომლიც ოპტიკურ ზონებად ყოფს სხეულს. ღია ფერის ზედა და მუქი ფერის ქვედაბოლო, ასევე ცუდი არჩევანია — ასე ჩაცმულები ქალბატონები, უფრო დაბლებად გამოიყურებიან, ვიდრე სინამდვილეში არიან.

წელის არის გამოყოფის სურვილის შემთხვევაში, უნდა შეარჩიონ სამოსი მკაცრი სილუეტით და მაღალი წელით. განიერი ქამრები და მასიური შარფები, სხეულს ამოკლებს. რეკომენდირებულია მოკლე პიჯაკები და კარდიგანები, ხოლო ჟილეტი –შედარებით გრძელი უნდა იყოს.

მინიატურული ქალბატონები, წითელ ხალიჩაზე წარდგენის დროს, ხშირად იყენებენ ქალთევზას მიმზიდველ სილუეტს: ტანზე მომდგარი სამოსი კარგად გამოყოფს თეძოებს, ხოლო კაბის ქვედა ნაწილი, შლეიფის სტილში – აგრძელებს სხეულს.

გამხდარი გოგონები იდეალურად გამოიყურებიან თავისუფალი სტილის ქვედაბოლოებში. ხოლო შედარებით ფერ-ხორციანებს, უხდებათ კლასიკური –ქვედაბოლო-ფანქარი, რომელიც ქვედა ნაწილში შევიწროვებული არის.

სიმაღლის ოპტიკური ზრდის საქმეში, კარგ ეფექტს იძლევა მჭიდროდ მომდგარი ჯინსის შარვალი და ქვედაბოლო, რომლებიც ფეხებს აგრძელებს. ხოლო ბრიჯებზე უარი უნდა თქვან, რადგან ის, პირიქით – ფეხებს ამოკლებს.

პალტო კარგად გამოკვეთილი მხრებით უნდა იყოს და მისი სიგრძე არ უნდა ჩამოდიოდეს მუხლებს ქვევით.

მინიატურული ქალბატონების ჩაცმის სტილის მთავარი დეტალი, მაღალქუსლიანი ფეხსაცმელი არის. ფეხსაცმლის არჩევის დროს, უპირატესობა უნდა მიანიჭინ ნავის სტილის ფეხსაცმელს. კარგია, თუ ის მუქი ან ბეჟი ფერის იქნება. არ არის რეკომენდირებული ფეხსაცმლის ტარება ჯვარედინი თასმებით. მაგრამ, თუ მაინც ვერ შეელევიან თასმებიან ფეხსაცმელს, მაშინ ისეთი მოდელი უნდა შეარჩიონ, რომელიც კოჭებს არ დამალავს.

თქვენთვის ასევე საინტერესო იქნება:

15 ოქროს წესი, 40 წლის შემდეგ, სამოსის შერჩევასთან დაკავშირებით

სამოსის სტილი. კლასიფიკაცია ზოდიაქოს ნიშნების მიხედვით
სამკაულის და სხვა აქსესუარების ტარების 10 წესი

ეს აუცილებლად უნდა იცოდეთ: 2017 წლის 7 ტრენდი

მაღალქუსლიანი ფეხსაცმელი კომფორტული რომ იყოს – 5 მარტივი გზა

ფეხსაცმლის შერჩევა, კაბის სიგრძის მიხედვით

სხეულის ნაკლის დამალვა ტანსაცმლით. რა უნდა ჩავიცვათ, რომ ყოველთვის კარგად გამოვიყურებოდეთ

ვირჩევთ მოდურ ჯინსებს ზაფხულის სეზონისთვის