ვიტამინების თემა განსაკუთრებით აქტუალურია გაზაფხულზე.მათ გარეშე ადამიანი მოშვებულია, აპათიური და იოლი სამიზნე ხდება ვირუსებისთვის, უფრო სერიოზულ შედეგებზე რომ აღარაფერი ვთქვათ.

ზოგიერთი ვიტამინის დეფიციტი რომ განსაზღვროთ, საკმარისია სარკეში ჩაიხედოთ.ასეთი “თვითდიაგნოსტიკა" თუნდაც ახლავე შეგიძლიათ ჩაატაროთ.

ძალიან ფერმკრთალი კანი

რათქმაუნდა, ზამთრის შემდეგ რუჯი არ გექნებათ, მაგრამ თუ თქვენი კანი მეტისმეტად ფერმკრთალია, ეს ვიტამინ B12-ის ნაკლებობაზე მიუთითებს. მიირთვით ხორცი და ზღვის პროდუქტები.

მშრალი თმა

მშრალი, მტვრევადი და ქერტლიანი თმა ბიოტინის ანუ ვიტამინ B7-ის დეფიციტზე მეტყველებს. ეს ხშირად ხდება ანტიბიოტიკების მიღების შემდეგაც. მიირთვით ხორცი, თევზი, ხილი, ბოსტნეული, სოკო, პარკოსნები და დროებით დაივიწყეთ დიეტა.

შეშუპებული თვალები

თუ ამჩნევთ, რომ თვალები გიშუპდებათ, ე.ი. იოდი გაკლიათ. მიირთვით ზღვის პროდუქტები.

უფერული ტუჩები

უფერული ტუჩები რკინის დეფიციტზე მიუთითებს. მიირთვით ხორცი და დროებით უარი თქვით კალციუმის შემცველ პროდუქტებზე.

სისხლდენა ღრძილებიდან

თქვენ შესაძლოა C ვიტამინი გაკლიათ.ჩართეთ რაციონში ციტრუსები.