როგორ გავრცეხოთ სწორად ხელოვნური ქურქი

რჩევები

როგორ გავრცეხოთ სწორად ხელოვნური ქურქი - ნუ დაუშვებთ ამ შეცდომას!

2017, 10 იანვარი, 13:54

ხელოვნური ქურქი ზამთრის სეზონში განსაკუთრებით აქტუალური მასალაა. მისგან ამზადებენ როგორც სამოსის ელემენტებს, ასევე ჟაკეტებს, ქურთუკებს და საყოფაცხოვრებო საგნებსაც კი. რამდენადაც იგი დელიკატურ მასალად ითვლება, აუცილებელია ვიცოდეთ მისი მოვლისა და რეცხვის წესები, რათა საყვარელი სამოსი დროზე ადრე არ გახდეს გადასაგდები. ხელოვნური ქურქის რეცხვა შეიძლება როგორც ხელით, ასევე სარეცხ მანქანაში ან ქიმწმენდაში.

1. მანქანით რეცხვა

შეამოწმეთ იარლიყზე დატანილი ინსტრუქცია, მასში ყოველთვის არის მნიშვნელოვანი ინფორმაცია, რომელიც აუცილებლად უნდა გაითვალისწინოთ ქურქის გარეცხვისას. იარლიყიდან შეიძლება შეიტყოთ, შეგიძლიათ თუ არა აღნიშნული ქსოვილის მანქანით გარეცხვა თუ მხოლოდ ხელით რეცხვაა დასაშვები. ასევე შეიტყობთ ცალკე უნდა გაირეცხოს აღნიშნული სამოსი, თუ დასაშვების მისი მსგავსი ფერის ქსოვილებთან ერთად გარეცხვა, გადადის თუ არა ფერი და ა.შ.

2. ქურქი გადააბრუნეთ შიგა მხარეს და ისე მოათავსეთ სარეცხ მანქანაში. ნებისმიერ შემთხვევაში, ეცადეთ ქურქთან ერთად სხვა სარეცხი არ მოათავსოთ.

3. გამოიყენეთ სარეცხი მანქანის სათანადო პარამეტრები. დააყენეთ მანქანა გრილ წყალზე და რეცხვის დელიკატურ რეჟიმზე. გამოიყენეთ თხევადი სარეცხი საშუალება. დაამატეთ დამარბილებელი გავლების ციკლის დასაწყისში.

4. რეცხვის დასრულების შემდეგ გამოიღეთ ქურქი, გაასწორეთ და ჩამოფერთხეთ დარჩენილი წყლის წვეთები. ზედმეტი წყლის მოშორება შეგიძლიათ ასევე ქურქის რომელიმე თხელ ქსოვილში შეხვევით. შემდეგ კი აუცილებლად გაშალეთ და გაშრობისთვის თავდაპირველ ფორმას დაუბრუნეთ.

ხელით რეცხვა

1. გარეცხეთ ქურქი გრილ ან ოდნავ თბილ წყალში. ეს საშუალებას მისცემს ქურქს თავდაპირველი ტექსტურა და ფორმა შეინარჩუნოს. გამოიყენეთ ხელით რეცხვისთვის განკუთვნილი თხევადი სარეცხი საპონი.

2. სანამ მთელ სამოსს მოათავსებდეთ წყალში, ჯერ დაასველეთ და თხევადი საპნით დელიკატურად ამორეცხეთ ის ადგილები, სადაც ყველაზე მეტად არის ჭუჭყი ან ლაქები ჩამჯდარი. შემდეგ კი ამოავლეთ მთელი ქსოვილი და ხელით, არც თუ ისე ძლიერად, გაწურეთ. გაავლეთ გრილ წყალში.

3. გაფერთხეთ ქსოვილი, შემდეგ კი გაახვიეთ ტილოში, რათა ზედმეტი წყალი მოშორდეს. შემდეგ ისევ ჩამოფერთხეთ და გაასწორეთ ქსოვილი. გაშრობამდე აუცილებელია ზედმეტი წყლის მოშორება, რადგა, წინააღმდეგ შემთხვევაში, ქურქი თავდაპირველ ტექსტურასა და ფორმას დაკარგავს.

გაშრობა

არასოდეს გამოიყენოთ ფენი, გრილი ჰაერის რეჟიმითაც კი!