ფინიკი მდიდარია საკვები ბოჭკოებით, რისი მეშვეობითაც ხელს უწყობს საჭმლის მომნელებელი სისტემის გამართულ მუშაობას. ასევე დიდი რაოდენობით შეიცავს მკვებავ ნივთიერებას, რომელიც აძლიერებს გულის კუნთს და არეგულირებს ქოლესტერინს. ფინიკი თრგუნავს მადას, შესაძლებელია შაქრის მაგივრობა გაგვიწიოს, შედეგად ხელს უწყობს წონაში კლებას.

რკინის მდიდარი წყაროა: 100 გრ. ფინიკი შეიცავს 0.90 გრ. რკინას ანუ 11% დღიურ დოზას. რეკომენდირებულია ანემიის დროს.

კალიუმის მაღალი შემცველობის გამო, ფინიკი ეხმარება ნერვულ სისტემას – საკმარისი რაოდენობის მიღების შემთხვევაში ინსულტის რისკი 40% მცირდება.

ასევე მდიდარია ფოსფორით, რომელიც ხელს უწყობს ტვინის ფუნქციონირებას. ამ ნაყოფში შემავალი კალციუმი კი აუცილებელია ნაწლავების მიკროფლორისთვის. ფინიკი შეიძლება გამოიყენოთ როგორც წამალი ყაბზობის შემთხვევაში, სააკმარისია ძილის წინ რამდენიმე ცალი მიირთვათ და წყალი დააყოლოთ.

სექსუალური ცხოვრების გასაუმჯობესებლად მიირთვით თხის რძეში დასველებული ფინიკი თაფლთან და კარდამონთან (ილი), ინდური წარმოშობის სანელებელი) ერთად. ამ საოცარ ნაყოფს შეუძლია შეამციროს მაღალი არტერიული წნევა.

5-6 ფინიკი შეიცავს 80 მგ. მაგნიუმს, რომელიც აფართოებს სისხლძარღვებს. როგორც კვლევებმა აჩვენა ყოველდღიურად საჭიროა 370 მგ. მაგნიუმის მიღება არტერიული წნევის დასარეგულირებლად.

ფინიკი შეიცავს ვიტამინებს, რომელიც თვალის ბადურის მდგომარეობას აუმჯობესებს. სასარგებლოა ქალებისთვის მშობიარობის შემდეგ – ხელს უშლის დეპრესიის განვითარებას და ასტიმულირებს რძის წარმოქმნას.