ცოტნე გამსახურდია გუშინ ხარაგაულის რაიონის სოფელ ზვარეში მომხდარ ინციდენტის გამოეხმაურა, სადაც რკინიგზის ლიანდაგის მშენებლობაზე დასაქმებულ რამდენიმე ქართველ მუშას ჩინელებმა რკინის ნაჭრებით სცემეს.შედეგად ოთხი მუშა ზესტაფონის საავადმყოფოშია გადაყვანილი.

"ვენაცვალე სომხებს! ერთ-ერთი იშვიათი ერია დედამიწის ზურგზე, რომელიც
კოლექტიური სტრატეგიული ხედვითაა დაჯილდოებული. ურთულესი გეოპოლიტიკური,
ეკონომიკური მდგომარეობის მიუხედავად ეს ერი ახერხებს უძლიერესი ლობი
ჰყავდეს ამერიკის შეერთებულ შტატებში, რუსეთში, ევროპის წამყვან
სახელმწიფოებში და ყველა პარამეტრით ინარჩუნებს პოზიციებს რეგიონში!
წარმოდგენაც კი მიჭირს, რა დაემართებოდათ ქართველებს მათ ადგილას რომ
ეცხოვრათ...
მაგალითად, მახსოვს ამ ათიოდე წლის უკან, როდესაც სომხეთში ჩინური ექსპანსია
დაიწყო, იქაური საზოგადოების წარმომადგენლები, სამღვდელოება გამოვიდა და
მასმედიის საშუალებებით ხალხს მოუწოდა: ჩვენი რიცხოვნებისა ჩინელებს პატარა
ქალაქები აქვთ, აქ მათი დაფუძნება ჩვენ გაქრობას ნიშნავს; დაე, ნუ მივცემთ
მათ ჩვენი მიწის დაპატრონების საშუალებას, ნუ შევალთ მათ მაღაზიებში, ნუ
ვისარგებლებთ მათი სერვისებით (რასაც ჩინელები ტრადიციულად დემპინგურ,
უიაფეს ფასებში აწვდიან ხოლმე), რათა აქ ფეხი ვერ მოიკიდონო... მეორე
დღიდან ასეც გააკეთეს და შედეგსაც მიაღწიეს.
აბა, რამდენი ქართველი შეძლებს არ შევიდეს თუნდაც ჩინურ
კაფე-რესტორნებში? სადა აქვთ აქ ამის ტ.....ი... მუქთი იყოს - კუბო იყოს, განა ვისი გამოთქმაა? ჰოდა, მალე მივიღებთ კიდეც მუქთად."