ყველა ქვეყანა თავისი ტრადიციებით არის გამორჩეული. შესაბამისად, განსხვავებულია საქორწინო ტრადიციები და სამოსიც. ამ სტატიში გთავაზობთ, ულამაზესი მუსულმანი პატარძლების ფოტოებს, რომლებმაც საზოგადოება თავიანთი სამოსით მოხიბლეს. მიუხედავად მათი მკაცრი დანაწესისა და შეზღუდვებისა ჩაცმულობასთან დაკავშირებით, ისინი გამორჩეულად გემოვნებიანი ქალბატონები არიან.

ისლამი თავის ერთგულ მიმდევრებს შემოსვის წესებს განუსაზღვრავს, თუმცა, აღნიშნული ნორმები რელიგიური ავტორიტეტების, თვით ისლამის მიმდევართა და ისლამის სხვადასხვა განშტოების მიხედვით ვარირებს და ჩაცმულობის მრავალფეროვანი ინტერპრეტირების საშუალებას იძლევა. რაც შეეხება ჰიჯაბს, არაბულად "დამალვას"
ნიშნავს. ასე უწოდებენ სამოსს, რომელიც მუსლიმან ქალს თავიდან ფეხებამდე ფარავს. თუმცა "ჰიჯაბს" უფრო ვიწრო მნიშვნელობითაც ხმარობენ და ამ სახელით მუსლიმი ქალის თავსაბურავს მოიხსენიებენ. ”ჰიჯაბს” ასევე უწოდებენ კარჩაკეტილ ცხოვრებას, ესაა მუსულმანური ეთიკის ნორმების მთელი კრებული, სადაც წვრილმანებამდეა დამუშავებული ქალის ცხოვრებისა და ქცევის წესები. ჰიჯაბი ყველაზე გავრცელებული თავსაბურვია ისლამურ სამყაროში. იგი მუსლიმანს თმას, ყურებსა და კისერს უფარავს. სწორედ ჰიჯაბით გამოწყობილი პატარძლები გაგაოცებენ საოცარი სილამაზითა
და დახვეწილობით, რომლების საქოორწინო კაბას ასევე გემოვნებით უხამებენ სამკაულებს თუ კაბის სხვა მოსართავებს.