იმის მაგივრად, რომ კიბოს წამალი ეძიონ, მეცნიერების გარკვეული ნაწილი უცნაური და სრულიად აბსურდული კვლევებითაა დაკავებული. ასე, მაგალითად, ბრიტანელი მეცნიერების ჯგუფმა ამ ცოტაოდენი ხნის წინათ აწარმოა გამოკვლევა იმის შესახებ, თუ ვინ არის მსოფლიოში ყველაზე ლამაზი სახის პატრონი და როგორია იდეალურად პროპორციული სახე.

არა, ბრიტანელებს არ უთქვამთ, რომ ეს ემბერ ჰერდია, თუმცა აღმოჩნდა, რომ ამ ლამაზმანის სახე ყველაზე მიახლოებულია იდეალურთან, კერძოდ იმასთან, რასაც ბერძნები "ოქროს კვეთას'' უწოდებდნენ.

ძველი ბერძნები ამტკიცებდნენ, რომ არსებობს მათემატიკური ფორმულა ფიზიკური სრულყოფილების განსასაზღვრავად და მას ელინელებმა "ოქროს კვეთა" უწოდეს. მარტივი სიტყვებით რომ ვთქვათ, ეს არის მათემატიკური გამოთვლა თვალების, ცხვირის, ნიკაპის, ტუჩების და ზოგადად, სახის მოყვანილობის იდეალური თანაფარდობის გამოსაყვანად.

მოდელი და მსახიობი ემბერ ჰერდი იდეალურთან ყველაზე მიახლოებული აღმოჩნდა-მისი სახე 91, 85%-ით აკმაყოფილებს "ოქროს კვეთას", რომლის განსაზღვრაც ამ ნახაზის მიხედვით შემდეგნაირად ხდება:

მაგრამ საკითხავია, თუ ემბერ ჰერდი არა, მაშინ ვის აქვს იდეალური სახე? -მეცნიერების პასუხმა ამაზეც არ დააყოვნა - დედამიწაზე აბსოლუტურად არავის, თუმცა აბა რისთვისაა საჭირო ფოტოშოფი?- იმისათვის, რომ არარსებული შექმნას.

მაშ ასე, მოცლილმა მკვლევარებმა აიღეს კიმ კარდაშიანი წარბები,

სკარლეტ იოჰანსონის თვალები,

ემბერ ჰერდის ცხვირი,

მოდელ ემილი რატაკოვსკის ტუჩები,

და ისევ ემბერ ჰერდის ნიკაპი,

მათ აგრეთვე აიღეს რიანას სახის მოყვანილობა და კეიტ მოსის შუბლი და...

აი, რა გამოვიდა აქედან! მაშ ასე, მინდა წარმოგიდგინოთ მეცნიერების მიერ შექმნილი ყველაზე ლამაზი და სექსუალური მუტანტი!

სახის სქემაზე ნაჩვენებია ნაწილები, რომლებიც ამა თუ მოდელის ან მსახიობისაგან "ინათხოვრეს" მეცნიერებმა და პროცენტული მაჩვენებელი, თუ რამდენად შეესაბამება სახის ესა თუ ის ნაწილი "ოქროს კვეთას". ძნელია იმის თქმა, რომ ეს ქალი ლამაზი და მიმზიდველი არაა, მაგრამ ერთი რამ ცხადია: მისი გარეგნობა თვალისმომჭრელი ნამდვილად არაა, შესაძლებელია იმის გამო, რომ ამ სახეს აკლია ის უნიკალური ხაზები, რომლებითაც არაიდეალურ ადამიანს იოლად გამოვარჩევთ სხვებისაგან და რომელიც განსაზღრავს თითოეული ინდივიდის განსაკუთრებულობასა და ხიბლს.