კინოთეატრში მაყურებელი გარდაიცვალა საშინელებათა ფილმის "შელოცვა-2"-ის( The Conjuring 2)პრემიერის დროს.

სამხრეთ ინდოეთში, ქალაქ ტირუვანამალაიში საშინელებათა ფილმის "შელოცვა-2"-ის საპრემიერო ჩვენების დროს კინოთეატრში გულის შეტევით მამაკაცი გარდაიცვალა.ამის შესახებ იტყობინება The Times of India .

ჰორორის კულმინაციის დროს 65 წლის მაყურებელმა თავის მეგობარს გულის არეში ტკივილი შესჩივლა და ამის შემდეგ მამაკაცმა გრძნობა დაკარგა.

თავიდან თვითონ მაყურებლები ცდილობდნენ გადაერჩინათ მაყურებელი, მაგრამ უშედეგოდ.შედეგად ექიმებმა სიკვდილის დადგომა დააფიქსირეს.

აღსანიშნავია, რომ ექიმებმა რატომღაც მის მეგობარს სთხოვეს, რომ გვამი სხვა საავადმყოფოში გადაეტანა გაკვეთის მიზნით, თუმცა მისი მეგობარი არანაკლებ უცნაურად მოიქცა და გვამიანად გაქრა.

პოლიცია ამჟამად ცდილობს გაარკვიოს ორივე მამაკაცის ვინაობა.

ფილმი "შელოცვა-2"-ის პრემიერა აშშ-ს კინოთეატრებში შედგა 10 ივნისს, შემდეგ კი მსოფლიოს სხვა ქვეყნებში გავრცელდა.იგი "შელოცვის" გაგრძელებაა, რომლის პრემიერაც 2013 წელს შედგა და პრემია "სატურნი" დაიმსახურა, როგორც წლის საუკეთესო საშინელებათა ფილმი.