გუშინ, დღის სამი საათისთვის, 25 წლის ჯემალ ნიკა ბერიძეს თბილისში, ავტობუსის გაჩერებაზე მდგომს, მისთვის უცნობმა პირებმა ფიზიკური შეურაცხყოფა მხოლოდ იმის გამო მიაყენეს, რომ იგი საყურეს ატარებს. მას სამი ახალგაზრდა თავს დაესხა მას შემდეგ, როდესაც სიგარეტი მოსთხოვეს, რაზეც ნიკა ბერიძემ უპასუხა რომ არ ეწეოდა, ხოლო შემდეგ ერთ-ერთი აუშარდა საყურე რატომ გიკეთიაო და ორმა მათგანმა სასტიკად სცემა, მესამე კი მათ გაშველებას ცდილობდა. ორი მათგანი უკვე დაჭერილია, ხოლო მესამეს ეძებენ. დაზარალებული სოციალური ქსელით, "ფეისბუქით" მადლობას უხდის პატრულს და ორგანიზაცია "იდენტობას" მიმართავს დახმარებისთვის.

"არასოდეს არავისთან მქონია ფიზიკური დაპირისპირების მომენტი. 25 წლის განმავლობაში არავის, არასდროს მოუყენებია ჩემთვის ფიზიკური შეურაცხყოფა. დღეს, 23 აპრილს, დღის სამ საათზე, ავტობუსის გაჩერებასთან სამი პიროვნება დამესხა თავს, იმის გამო თუ რატომ მეკეთა საყურე და დამიწყეს ცემა. ვიღაცეებმა გაგვაშველეს და ვიღაც ბიჭმა გამოიძახა პატრული, წამიყვანეს დაკითხვაზე, მაჩვენეს უამრავი ფოტოები, მაგრამ არცერთი არ იყვნენ იმ ფოტოზე აღნიშნული პიროვნებებიდან, რომლებმაც მე მცემეს.

აღვნიშნავ, რომ პოლიციით და იქ მომუშავე სამართალ დამცველთა დამოკიდებულებით და საქმისადმი პასუხისმგებლობით მოკიდებისათვის მადლობა მათ დიდი.

შემდეგ მანქანით წამიყვანეს და ქუჩები და სკვერები მოვიარეთ და ჩემი მცემელები ერთ-ერთ სკვერში ძველბიჭობდნენ, უცებ აიყვანეს და წაიყვანეს გლდანი-ნაძალადევის პოლიციაში. ორშაბათს ვარ დაბარებული ექსპერტიზაზე, დამპირდნენ რომ ისინი მთელი სიმკაცრით დაისჯებიან. ნინო ბოლკ! თქვენი დახმარება დამჭირდება და თუ შეგიძლიათ, რომ დამეხმაროთ."