სოციალური ქსელი აჭრელდა "მგზავრების" გამოსვლით პეტერბურგში. ბევრმა ადამიანმა გააკეთა კომენტარი ამ ფაქტთან დაკავშირებით. მათ შორის არიან ცნობილი ადამიანები, რომელნიც გაღიზიანდნენ ჯგუფი "მგზავრების" რუსეთის ერთ-ერთ კონცერტზე გამოსვლით, რომელიც მაინცდამაინც 9 აპრილს დაამთხვიეს. მართლაც რომ დავფიქრდეთ 365 დღიდან რაღა მაინცდამაინც 9 აპრილი აირჩიეს? მოკლედ რომ გადავხედოთ, ყველაზე "ცუდი" კომენტარის მფლობელად შეგვიძლია პირველი ადგილიც კი მივანიჭოთ ნიკა გვარამიას, რომელმაც აი ესეთი სტატუსი გამოაქვეყნა:

"უკრაინაში ცალი კალოშით ჩასულები და იქ ფეხზე დამდგარები, რუსეთს გაეშურნენ. თან 9 აპრილს იმღერებენ (თუ იმას, რასაც შვრებიან, სიმღერა ქვია).
ო, მაღალო ღმერთებო, თქვენ შე@@@ით ყველა გამ@@@@@@@@@ს.
გმადლობთ."

ამ სტატუსის გამო ნიკა გვარამიასა და გიგი დედალამაზაშვილს შორის დაპირისპირება მოხდა. ვნახოთ რას წერდა ნინი დედალამაზაშვილი სოციალურ ქსელში ნიკა გვარამიას მისამართით:

" ნიკა გვარამიას დიდ პატივს ვცემ, უფრო მეტ წარმატებას ვუსურვებ, ბევრს მიაღწია კალოშით ჩამოსულმა თბილისში, მაგრამ ყველა იგივე რთულ გზას არ გადის, გიგის უფრო გაუმართლა და კალოშით არ მოუწია კიევში ჩასვლა, იღბლიანია... ძალიან ვაფასებ ნიკას ბიოგრაფიას, რომ თავისითავი შექმნა, ალბათ გადაღლილია და "ქართველი ვაჟკაცივით" დედის გინებაზეა გადასული..."

ასე მწვავედ წარიმართა დაპირისპირება ზემოთ ხსენებულთა შორის. ხოლო მას შემდეგ, რაც პეტერბურგში ჯგუფმა "მგზავრებმა" კონცერტის დროს, საქართველოს დამოუკიდებლობისთვის დაღუპულ ქართველებს წუთიერი დუმილით პატივი მიაგეს, ნიკა გვარამიამ მათ მიმართ გამოთქმული "სიტყვები უკან წაიღო", რომლითაც იგი შეიძლება ითქვას ბოდიშს იხდის "მგზავრების" წინაშე:

"კარგი ბიჭები ხართ და უდიდესი სიამოვნებით უკან მიმაქვს ჩემი სიტყვები... შემდეგ ჯერზე ოკუპაციაც ახსენეთ და მთლად გადასარევი იქნება...
მაღალო ღმერთებო, თქვენ შეეწიეთ საქართველოს ყველა პატრიოტს!"