ილიაუნის ყოფილი რექტორის, გიგი თევზაძის მიერ სოციალურ ქსელში გამოქვეყნებული მოკლე სტატუსი ნამდვილ სკანდალად იქცა.

"არ გეწყინოთ, მაგრამ, დღეს, საქართველოში, შობის აღნიშვნა, არის ოკუპანტების მხარდაჭერა და კიდევ ერთი ნაბიჯი დამოუკიდებლობის დაკარგვისკენ." - წერს პროფესირო გიგი თევზაძე თავის გვერდზე.

აღნიშნულ განცხადებას, როგორც მოსალოდნელი იყო, მომხმარებლებისგან კრიტიკის ქარ-ცეცხლი მოჰყვა, რომელიც პოსტის ავტორის მიმართ უცენზურო და მუქარის შემცველ გამონათქვამებშიც კი გადაიზარდა.

"ამის დამწერი ორჯონიკიძეზე და ყორღანაშვილზე მურტალი ანტიქართული აზროვნების მატარებელია. გიგი თევზაძე, მოვა დრო და შენის"სულიერ ძმებთან" ერთად პასუხს აგებ იმ ნეობოლშევიკური საქმიანობისთვის რაც აქამდე გიკეთებიათ. თქვენ ხართ სარეველა."

"ეს არის დაავადება სახელად იდიოტიზმი, ანუ როცა გგონია რომ პროგრესულად აზროვნებ, არადა ძალზედ მარტივი ხარ, იმდენად მარტივი რომ ნებისმიერი შენი ფრაზოვნული გამოხატულება მიახლოვებულია იდიოტიზმთან! ზუსტად ამიტომაც ჰქვია ამ დაავადებას იდიოტიზმი!!!"

" უფრო ხშირად დაწერეთ ხოლმე თქვენი აზრები, გავერთობით მაინც ცოტას"

"უეჭველი ჯოჯოხეთში მოხვდება"

"ამ პოსტით შენ უფრო უჭერ მხარს ოკუპანტებს, ვინაიდან გამოდის რომ მართმადიდებლობა მათი რელიგიაა, კარგი იქნება თუ დააკვირდები რას წერ.." - ასეთია ყველაზე "რბილი" და კორექტული კომენტარები, რაც აღნიშნულ პოსტს მოჰყვა.

თუმცა არიან ისეთებიც, რომლებიც მიხვდნენ, რისი თქმა სურდა გიგი თევზაძეს ამ ერთი შეხედვით პროვოკაციული პოსტით:

Tini Katsitadze: "15 ავტოკეფალური მართლმადიდებელი ეკლესიიდან, დღეს საღმოს შობის დღესასწაულს შეხვდება 5 - რუსეთის, საქართველოს, იერუსალიმის, სერბეთისა და პოლონეთის ეკლესიები.

კონსტანტინეპოლის, ალექსანდრიის, ანტიოქიის, ელადის, კვიპროსის, რუმინეთის, ბულგარეთის, ალბანეთის, ჩეხეთ-სლოვაკეთისა და ამერიკის ავტოკეფალურმა მართლმადიდებელმა ეკლესიებმა ქრისტეშობა 25 დეკემბერს იზეიმეს." და რატომ არა 25-ში?"

Tengiz Verulava: "ილია ჭავჭავაძეს თავის წერილში გარკვევით უწერია შობის თარიღი 25 დეკემბერი."

Shota Qemashvili : "დღემდე არის დავა მეცნიერებს შორის თუ რომელი კალენდარია სწორი გრიგორიანული თუ იულიუსის, მაგრამ ამას არ აქვს მნიშვნელობა. როცა სასულიერო პირები და მრევლი შევა ეკლესიაში და დაწიყებს ლოცვას ამას შეიწწირავს უფალი მიუხედაად იმისა თუ როდის მოხდება ეს 7 იანვარს თუ 25 დეკემბერს. დღეს რა რიცხვია ეს მეცნიერების შესწავლის საგანია და რელიგიას ეს არ ეხება."