კულტურა ერაყში გაიმართა სილამაზის კონკურსი 43 წლიანი პაუზის შემდეგ ავტომატ "კალაშნიკოვების" თანხლებით 2015, 21 დეკემბერი, 8:56  დეფილე საცურაო კოსტუმებში არ გამართულა, თუმცა კონკურსი სხვა ყველა საერთაშორისო სტანდარტს მიესადაგებოდა.
პირველად 1972 წლის შემდეგ ერაყში გაიმართა სილამაზის კონკურსი და აირჩია "მის ერაყი", რომლის გამარჯვებულიც 20 წლის შაიმა აბდელრახმანი (Shaymaa Abdelrahman) გახდა, რომელიც მრავალეთნიკური ქალაქ კირკურიდან არის. "ძალიან მოხარული ვარ, ვხედავ, როგორც მიდის ერაყი წინ", - განუცხადა "ფრანც პრესის"სააგენტოს გამარჯვებულმა. 
კონკურსის სრულად შეესაბამებოდა საერთაშორისო სტანდარტებს, მიუხედავად იმისა, რომ საცურაო კოსტუმების დეფილე არ გამართულა.
კონკურსანტებმა ასევე ჟიურის წარუდგინეს საკუთარი საქველმოქმედო პროექტები. მომავალში ერაყი "მის სამყაროში" მონაწილეობას აპირებს. გამარჯვებულმა განაცხადა, რომ თავის ცნობადობას მოახმარს საგანმანათლებლო ინიციატივებს, განსაკუთრებით მოსახლეობის იმ ნაწილში, რომლებიც კონფლიქტის შედეგად დაზარალდნენ. თავიდან კონკურსის გამართვა 1 ოქტომბერს ბასრაში იყო დაგეგმილი, თუმცა სუნიტური გაერთიანებისგან მუქარის გამო ორგანიზატორებისა და კონკურის მონაწილეების მიმართ, კონკურსი 2 თვით გადაიდო. ფინალურ შოუში განსაკუთრებულად იყო დაცული უსაფრთხოების ზომები.დარბაზს და მის პერიმეტრებს ავტომატ "კალაშნიკოვით" შეიარაღებული სამხედროები იცავდნენ.   წინა "მის ერაყი" ამ ქვეყანაში 1972 წელს გაიმართა.მაშინ გამარჯვებული გახდა ვიჯან ბურხან ალ-დინ სულეიმანი, მანვე მონაწილეობა მიიღო კონკურსში " მის სამყარო", თუმცა მალევე მუსულმანურმა გაერთიანებებმა დაგმეს გოგონა, ხოლო სილამაზის კონკურსს "სატანური ქმედება" უწოდეს.  ფოტოზე:"მის ერაყი"-1972407 4-ს მოსწონს 1-ს არა
|
  |
Intermedia.ge © 2011-2024 წელი
საავტორო უფლებები დაცულია
 |
