კულტურა "ჩემი ფერარი აქ ვერ გაივლის"-როდ სტიუარტმა სახლისკენ მიმავალი გზა თავად შეაკეთა 2022, 14 მარტი, 18:24 ლეგენდარულმა მუსიკოსმა და მომღერალმა როდ სტიუარტმა გამოქვეყნა ვიდეოები, სადაც ჰარლოუში, საკუთარ სახლისკენ მიმავალ გზაზე ორმოებს ავსებს.
77 წლის სერ როდ სტიუარტმა, გააზიარა ორი ვიდეო ინსტაგრამზე ამ შაბათ-კვირას, სადაც ჩანს, რომ ის ნიჩბით ხელში ხრეშით ორმოებს ასწორებს, მომღერალს შესაბამისი სამუშაო ფორმა-ყვითელი ჟილეტი აცვია. პირველ ვიდეოში როდი ამბობს: „მე თვითონ ვარემონტებ იმ ქუჩას, სადაც ვცხოვრობ, რადგან ვერავინ იზრუნა მასზე“. შემდეგ კადრებში ჩანს, თუ რა სავალალო მდგომარეობაშია გზა;მეორე ვიდეოში როდი ამბობს:"ასეთ მდგომარეობაში იყო ეს გზა საუკუნეების მანძილზე, ჰარლოუში, სადაც მე ვცხოვრობ". „ხალხს მანქანები უზიანდებათ. ამ დღეებში სასწრაფო დახმარების მანქანას საბურავი გაუსკდა. ჩემი Ferrari აქ საერთოდ ვერ გაივლის. " ”ამიტომ, ჩვენ ბიჭებმა ერთად მოვიფიქრეთ, რომ მოვიდოდით და ამას თავად გავაკეთებდით. ჩვენ ვავსებთ ორმოებს მაშინ, როცა მილიონობით ფუნტს ხარჯავენ M11-ზე“. როდ სტიუარტის კარიერა 60-იანი წლების მეორე ნახევრიდან იწყება, განსაკუთრებით დიდ პოპულარობას მუსიკოსი გასული საუკუნის 1970/1990 იან წლებში აღწევს, მშობლიურ ბრიტანეთის ჩარტში მისმა ექვსმა ალბომმა ზედიზედ დაიკავა #1 ადგილი, ხოლო სინგლების ჩარტში მისი 62 სიმღერა მოხვდა. აქედან 31 საუკეთესო ათეულში მოხვდა, საიდანაც ექვსი პირველ პოზიციაზე იმყოფებოდა. აშშ-ში მისი 16 სინგლი მოხვდა Billboard Hot 100-ში აქედაბ 6-მა პირველი ადგილი დაიკავა. 2007 წელს ბაკინგემის სასახლეში მას მიენიჭა ბრიტანეთის იმპერიის კავალერის წოდება. იგი არის ყველა დროის ერთ-ერთი გაყიდვადი შემსრულებელი, მსოფლიოში გაყიდულია 100 მილიონი ჩანაწერი. 185 3-ს მოსწონს
|