ბრიტანეთში ერთ-ერთ ინტერნეტ-მაღაზიაში გაყიდვაში გამოჩნდა ტაბლეტები სელფი-დამოკიდებულების საწინააღმდეგოდ.

პრეპარატის ანოტაციაში ჩამოთვლილია მისი დადებითი თვისებები, დაბალი ფასი და უნიკალურობა.ამასთანავე შესაძლებელია მისი ანონიმურად გაგზავნა.

ქალებისთვის რეკომენდირებული დღიური დოზა სამი, ხოლო მამაკაცებისთვის ორი ტაბლეტით განისაზღვრება.

ტაბლეტები პიტნის გემოთი ოფიციალურ საიტზე ხელმისაწვდომია 9, 99 ფუნტად(15$).საერთაშორისო გზავნილი, მომხმარებელს 2, 99(4, 5$) დაუჯდება.

ერთ კოლოფში 36 ტაბლეტი-კანფეტია, ერთდროულად შეგიძლიათ 5 კოლოფის შეძენა.

სელფომანიამ მთელს მსოფლიოში არნახულ მასშტაბებს მიაღწია.მაგალითად, 2015 წლის ივლისში, როგორც "რუსეთის ნარკოლოგიური ლიგის"ფონდის ხელმძღვანელმა ალინა მაქსიმოვსკაიამ განაცხადა, 6 თვეში მოსკოვის სამეცნიერო ნარკოლოგიურ ცენტრს მიაკითხა 200-ზე მეტმა სელფი-დამოკიდებულებით დაავადებულმა პაციენტმა.

ამასთანავე იზრდება იმ ადამიანების რაოდენობა, რომლებიც ფსიქოლოგიურ მოსახურეობის ცენტრებში რეკავენ სელფი-დამოკიდებულების ჩივილებით.