მოდელი თამო ვაშალომიძე საზოგადოებამ სკანალურად გიცნო. მედავითნე, რომელიც გაშიშვლდა დღეების მანძილზე განხილვის საგნად იქცა. მოგვიანებით კი გადაცემა "პროფილში" პირდ ცხოვრებაზე, ოჯახსა და მძიმე ბავშვობაზე ისაუბრა. "იყო კონფლიქტები ოჯახში, რის გამოც 9 წლის წინ წამოვედი სახლიდან. დედა ბებოს სცემდა, მეც ცუდად მექცეოდა - თმით მითრევდა, სიტყვიერად მემუქრებოდა. ბებიაჩემი მირეკავდა და მეუბნებოდა, გეხვეწები შვილო, სოფელში არ ჩამოხვიდე, ვინმე არ დაგხვდეს, რამე არ მოგივიდესო. იძულებული გავხდი პოლიციისთვის მიმემართა, რის შედეგად დედას აეკრძალა 30 დღით ჩვენთან მოახლოება. სულ იყო ძალადობა მისი მხრიდან. როგორც ბებიისგან გავიგე, მას ხან დანას ადებდა, ხან ბალიშით გუდავდა და ა.შ."-გვიამბობდა ფოტომოდელი. დღეს ბებიაზე თავად ზრუნავს, დედასთან კი კავშირი გაწყვიტა. დღეს პოპულარული სახეა, ქართულ შოუბიზზნესში თავი უკვე დაიმკვიდრა და ერთ-ერთი უკრაინული ჟურნალისთვისაც გადაიღო თამამი ფოტოები. თამოს უკრაინა ძალიან მოეწონა: "უხვად არის კომპლიმენტები. მართალი გითხრათ ასეთ ყურადღებას არ ველოდი, არც მამაკაცების მხრიდან და არც მდედრობითი სქესის მხრიდან. წუხელ ვსეირნობდით გადაღების შემდეგ მანქანები ჩერდებოდნენ და კომპლიმენტებს მეუბნებოდნენ".

გუშინ თამოს პატარა უბედური შემთხვევა მოუხდა. გვიან ღამით, როდესაც ვალუტის გადამცვლელი ჯიხურიდან მანქანისკენ მიემართებოდა ავტომობილმა დაარტყა. მძღოლმა ის დაუყოვნებლივ საავადმყოფოში გადაიყვანა, სადაც მას ფეხზე რამდენიმე ნაკერი დაადეს. როგორც ირკვევა თამო უკვე სახლშია და თავს შესანიშნავად გრძნობს.