ინდოეთში “პურის" მომზადების უამრავი რეცეპტი არსებობს, მაგრამ შეიძლება ითქვას, რომ აქ წარმოდგენილი რეცეპტი საბაზო და ყველაზე მარტივად მოსამზადებელია.

ინგრედიენტები:

ფქვილი - 1 ჭიქა

თბილი წყალი - ½ ჭიქა

ზეთი - 1 ჩ. კ.

მარილი - ½ ჩ. კ.

ზეთი - შესაწვავად

მომზადება:

1. თასში ჩაყარეთ მარილი, ფქვილი და დაამატეთ წყალი > მოზილეთ სქელი ცომი > დაამატეთ ზეთი და ისევ მოზილეთ.

2. გაახვიეთ ცომი სამზარეულოს აპკში და გააჩერეთ ოთახის ტემპერატურაზე 30 წთ.

3. გაყავით ცომი 6 ტოლ ნაწილად > გააკეთეთ გუნდები > გააბრტყელეთ ჯერ ხელით, ხოლო შემდეგ გასაბრტყელებელიც გადაატარეთ.

4. ტაფაში ჩაასხით ზეთი, ისე რომ ძირი მთლიანად დაიფაროს > ზეთი რომ გაცხელდება, ჩადეთ კვერი და ორივე გვერდიდან გამოაცხვეთ. ქაფქირით გადააბრუნეთ.

თითოეული კვერი ცალ-ცალკე უნდა გამოაცხოთ და ტაფიდან ამოღების შემდეგ, ქაღალდის პირსახოცზე მოათავსოთ, რომ ზედმეტი ცხიმი მოსცილდეს.

მიირთვით ცხელ-ცხელი.

ფუმფულა, არომატული და ძალიან გემრიელი პური საფუარის გარეშე

ინგრედიენტები:

კეფირი - 1 ჭიქა
ქვამარილი - 1 ჩ. კ.
ყავისფერი შაქარი - 1 ს.კ.
სოდა - 1 ჩ. კ.
ლიმონმჟავა - ½ ჩ. კ.
უმაღლესი ხარისხის ფქვილი - 2 ჭიქის ფარგლებში (რამდენსაც შეიზელს)

მომზადება:

1. კეფირში დაამატეთ მარილი, შაქარი, სოდა და იქამდე ურიეთ, ვიდრე შაქარი არ გადნება > ფქვილს შეურიეთ ლიმონმჟავა > დაუმატეთ ფქვილი კეფირს > მოზილეთ რბილი ცომი.
2. საცხობ ფორმას წაუსვით ცხიმი > ცომს ცოტა ფქვილი მიაფიფქეთ რომ ხელებზე არ მიგეკრათ და ფორმაში გადაიტანეთ.
3. ღუმელი გაახურეთ 200 გრადუსზე, რეჟიმით ქვემოთ-ზემოთ და გამზადებული ფორმა შედგით 18-20 წუთით, ვიდრე ქერქი არ დაებრაწება.