სიმინდის ბურბუშელა - ბავშვების ეს საყვარელი სასუსნავი შესაძლოა ორიგინალური და გემრიელი დესერტის მომზადებისთვისაც გამოვიყენოთ.

დაგვჭირდება:

ბურბუშელა 70-80 გ.

დაფხვნილი ბურბუშელა 2-3 ცალი;

მშრალი საუზმე "ნესკვიკი" კაკაოთი 30-40 გ.

შესქელებული რძე - 0, 5 ქილა;

კარაქი - 100 გ.

წვრილად დაჭრილი მარმელადის კანფეტი 6-8 ცალი;

თხილი, ნიგოზი ან მიწისთხილი გემოვნებით.

ყველა მშრალ ინგრედიენტს მოვათავსებთ ჯამში, დავამატებთ ოთახის ტემპერატურაზე დარბილებულ კარაქს და შესქელებულ რძეს. ხელით ავურევთ ყველაფერს.

მაგიდაზე დავაფენთ ცელოფანს, მოვაყრით ბურბუშელას ნაფხვენს და ზედ გადმოვიღებთ ბურბუშელას მასას. მივცემთ ძეხვის ფორმას და შევახვევთ ცელოფანში. შევდებთ საყინულეში 1 საათით.

გამოვიღებთ და დავჭრით.