11აპრილს გავრცელდა სამწუხარო ინფორმაცია, რომ 35 წლის უნიჭიერესი მსახიობი კოტე თოლორდავა გარდაიცვალა. იგი მოსკოვში იპოვეს გარდაცვლილი. კოტეს ცხედარი აღმოაჩინეს 16:00 საათზე, თუმცა სავარაუდოდ იგი 11 აპრილს გამთენიისას გარდაიცვალა. კოტეს გარდაცვალებასთან დაკავშირებით რუსული მედია ავრცელებს ინფორმაციას, რომ მის ცხედართან უპოვნიათ ერთჯერადი შპრიცი და ფხვნილი. აქედან გამომდინარე კოტე ნარკოტიკების გადაჭარბებული დოზით უნდა გარდაცვლილიყო, თუმცა გარდაცვალების ზუსტი მიზეზი ჯერ არ არის ცნობილი. მსახიობი კოტე მოსკოვში ფილმის გადაღებაზე იმყოფებოდა და რამოდენიმე დღეში უკან დაბრუნებას აპირებდა. სულ მალე გამოვა მისი შესრულებით მხატრული ფილმი "ვინ მოკლა ილია?". ფილმის პრემიერა რამოდენიმე დღეშია. აღსანიშნავია, რომ კოტეს ჰყავდა ცოლი და ორი შვილი. როგორც ირკვევა მისი მეუღლე განო მესამე ბავშვზეა ორსულად და კოტე მესამე ბავშვის მამა გახდებოდა. ვიზიარებთ მისი ოჯახის და მთელი საქართველოს უდიდეს დანაკლისს და მწუხარებას.