ჩვენს გარშემო არსებული გარემო დიდ გავლენას ახდენს ჩვენზე. უცნაურად
აღქმა სტანდარტული საგნებისა, არქიტექტურაში დანერგილი ინოვაციური
მეთოდები სულ უფრო და უფრო ღრმად იჭრება ადამიანების ყოფა-ცხოვრებაში;
ადამიანებისა, რომლებიც მიისწრაფიან არასტანდარტულისა და
არატრადიციულისაკენ. ახალი საუკუნე, ახალი ათასწლეული თავის კანონებს
აწესებს, არქიტექტორები კი ცდილობენ არ ჩამორჩნენ პროგრესს და იპოვონ
იდეალური შეხამება ლანდშაფტისა, ხელოვნებისა და კომფორტისა. უკვე დროა
ჩვენც გადავაბიჯოთ დაწესებულ ზღვარს და გავეცნოთ მსოფლიოში ყველაზე
ცნობილი, უცნაურ და არასტანდარტულ შენობებს.





1. ესპანური ბიბლიოთეკა, Biblioteca España, კოლუმბია

შენობა მდებარეობს კოლუმბიაში, მთა მედელინის წვერზე. ის აშენებული
იქნა გასული საუკუნის 90-იან წლებში, ხოლო ესპანური ბიბლიოთეკა ეწოდა
იმიტომ, რომ მისი აშენებისათვის საჭირო ფულადი სახსრების ძირითადი ნაწილი
გაიღო ესპანეთმა, კერძოდ კი მეფე ხუან კარლოსმა. მან თავადვე გახსნა
ბიბლიოთეკა. ბიბლიოთეკა-პარკი სამი შენობისაგან შედგება, რომლებიც
განთავსებულია ერთ პლატფორმაზე. გარეგნულად ის წააგავს მასიურ ბუნებრივ
კლდეს, ეფექტურად შერწყმულს მთის წვეროს ლანდშაფტთან.



2. კუბური შენობები, ჰოლანდია


ამ კუბური სახლების მშენებლობის იდეა გასული საუკუნის 70-იან წლებში
გაჩნდა. არქიტექტორ პიტ ბლონის მიერ დაპროექტებული რამოდენიმე მსგავსი
შენობა აიგო ქალაქ ჰელმონდში. 1984 წელს კუბური სახლები როტერდამშიც
გამოჩნდა.



3. სახლი-სორო, აშშ


ჰიუსტონში (ტეხასის შტატში) მდებარე ამ სახლის დანგრევამდე ის ჯადოსნურ
ინსტალაციად გადაიქცა: მის მნახველ ადამიანს ისეთი შთაბეჭდილება ექმნებოდა,
თითქოს ქარბორბალა შიგნიდან ისრუტავდა მთელ სახლს. სამწუხაროდ, შენობა
დაანგრიეს 2005 წელს.



4. სასტურმო Hang Nga ანუ შეშლილი სახლი ქალაქ დალატში, ვიეტნამი


ეს უცნაური სასტუმრო დააპროექტა ვიეტნამელმა არქიტექტორმა დანგ ვეტ ნგამ
1990 წელს. შენობა გარეგნული იერსახით ზღაპრულ ციხე-კოშკს მოგვაგონებს.



5. სიეტლის ცენტრალური ბიბლიოთეკა


სიეტლის ცენტრალური ბიბლიოთეკა აშენებული იქნა 2004 წელს. ის წარმოადგენს მრავალფუნქციურ საზოგადოებრივ სივრცეს ქალაქელებისათვის.



6. მრუდე სახლი

ამ სახლის ნახვისას თავს ზღაპრის პერსონაჟად იგრძნობთ. ის პოლონეთის
ქალაქ სოპოტში მდებარეობს და წარმოადგენს სავაჭრო ცენტრის ნაწილს. შენობა
აიგო 2004 წელს არქიტექტორების ზელევსკის და შოტინსკის ხელმძღვანელობით.
ესოდენ გამბედავი არქიტექტურული გადაწყვეტა მის ავტორებს შთააგონა საბავშვო
ზღაპრების წიგნებში ნანახმა ილუსტრაციებმა.



7. ბრაზილიის ეროვნული ბიბლიოთეკა


არქიტექტორი ოსკარ ნიმეიერი თავისი დროის ერთ-ერთი ყველაზე სახელოვანი ოსტატია. მან ეს შენობა 2006 წელს ააგო.



8. მოხრილი სახლი, აშშ


ინდიანაპოლისის (შტატი ინდიანა) ხელოვნების ცენტრში მდებარე ეს სახლი არქიტექტორმა ჯონ მაკნოტომმა ხისაგან შექმნა.



9. გადაბრუნებული სახლი, გერმანია


სახლი მდებარეობს ქალაქ ტრასენჰაიდეში (გერმანია). მასში დადგმული ავეჯიც კი ჭერზეა დამაგრებული.



10. სასტურმო "მარკიზ დე რისკალი", ესპანეთი




შენობა მდებარეობს ესპანეთში, სოფელ ელსეგოში. ამ სოფელს დღესაც
შენარჩუნებული აქვს შუასაუკუნოვანი იერსახე. როგორც ჩანს,
არქიტექტორებმა კონტრასტის სტილში გადაწყვიტეს შენობა, რადგან ისტორიული
ღვინის სარდაფების ფონზე შენობის კაშკაშა ფერადოვანი და არაორდინალური
ფორმები მკვეთრადაა გამოხატული.

11. უცნაური სახლი სინგაპურში

ერთი შეხედვით ამ სახლს უცნაურობის არაფერი ეტყობა, მაგრამ ის არის მსოფლიოში ყველაზე მჭიდროდ დასახლებული და ორიგინალურად დაპროექტებული შენობა შიგა ტერასებით და საცხოვრებელ ბინებში განთავსებული ავტოფარეხებით.

12. გადაბრუნებული სახლი მეორე სახლის სახურავზე. ვენა, ავსტრია

ვენის თანამედროვე ხელოვნების მუზეუმის სახურავზე დაშენებულია სხვა, უფრო მცირე ზომის საცხოვრებელი სახლი. ეს ქმნილება არქიტექტორ ერვინ ვურმს ეკუთვნის.

13. ბლითის ფორმის სასტუმრო, ჩინეთი

ჩინეთის ქალაქ გუანჯოეში სულ ცოტა ხნის წინ აშენებული ეს შენობა ერთი შეხედვით მანათობელ ბლითს ჰგავს. ის ისეთნაირადაა დაპროექტებული, რომ შენობა წყალში არეკლილ მის გამოსახულებასთან ერთად ციფრ 8-იანს ქმნის. ეს ციფრი კი ჩინურ კულტურაში ბედნიერ რიცხვად ითვლება.

14. მოცეკვავე სახლი, ჩეხეთი

ხორვატი და კანადელი არქიტექტორების ერთობლივი პროექტით აშენებული ეს მოცეკვავე სახლი მდებარეობს პრაღის ცენტრში. ის წარმოადგენს მოცეკვავე წყვილის არქიტექტურულ მეტაფორას და ხურმობით მას "ჯინჯერი და ფრედი" შეარქვეს ჯინჯერ როჯერსის და ფრედ ასტერის საპატივცემულოდ.

15. კაფსულისმაგვარი სახლები. საფრანგეთი

ეს უცნაური სახლები მდებარეობს სამხრეთ საფრანგეთში. არაჩვეულებრივი რეზერვაცია დააპროექტა არქიტექტორმა ანტიკონფორმისტმა ანტი ლოვაგმა 1969 წელს.

16. ატომიუმი, ბელგია

ეს ფანტასტიკური შენობა, სახელად "ატომიუმი" ააგეს ბელგიაში 1958 წელს მსოფლიო გამოფენის World's Fair-ის გახსნასთან დაკავშირებით.

17. ბალიოს სახლი, ესპანეთი

განსაცვიფრებელი მოდერნისტული შენობა დაპროექტებული და აგებული იქნა არქიტექტორ ჰაუდის მიერ ბარსელონაში და ის წარმოადგენდა ტექსტილის მაგნატის ჟოზეფ ბალიო კასანოვასის საცხოვრებელ სახლს. ამჟამად მასში განთავსებულია მუზეუმი და საგამოფენო დარბაზი.

18. ლოტოსის ტაძარი, ინდოეთი

ინდოეთის ქალაქ ნიუ-დელიში მდებარე ეს ბაჰაისტური ტაძარი თავისი უცნაური არქიტექტურის წყალობით ყოველწლიურად 50 მილიონამდე დამთვალიერებელს იზიდავს. ის ითვლება ერთ-ერთ ყველაზე მონახულებად შენობად მსოფლიოში.

19. ეკო-სასტუმრო Montaña Mágica Lodge

ჩილეში მდებარე ეს ეკო-სასტუმრო აგებულია ტროპიკულ ტყეში, ხელოვნური ვულკანის შუაგულში, რომელიც ლავის მაგივრად ცხელ წყალს ამოსტყორცნის ხოლმე.

20. სახლი "ნაუტილუსი"

ეს უცნაური ფორმის შენობა 2006 წელს ააშენეს და მასში საცხოვრებელი სახლია განთავსებული. სახლი წარმოადგენს უზარმაზარ ნიჟარას, მორთულს მინის მოზაიკით, რომლიც ოთახებს გასაოცარი ზღაპრული შუქით ანათებს.